Friday, June 23, 2017

台北繼續食:樂軒和牛專門店

我愛牛,所以其實難得出差都會找好一點的牛來吃。這次原本找到一家很高檔的酒店有一個和牛自助餐,不過一條友去食自助餐又實在接受唔到(一條友食飯可以但一條友食自助餐著實比較怪怪咁)。所以,還是找餐廳吃和牛a la carte比較好。

這次吃過兩家,價值不菲,至於是否值得去,我會講的,不過可以肯定的是,兩家賣的服務與食物都有所不同。

首先介紹樂軒和牛專門店。其實一條友食有個難處,就係通常呢類餐廳有套餐(即係可以食好多唔同款既牛肉呢)都係二人份,唔係食唔晒而係過筆直,所以,無辦法之下,都係選單點套餐,其實係無咁抵玩的。
此店主打澳洲頂級和牛,附上三款醬料:油蔥,柚子胡椒,松露海鹽。呢杯係百香果手製啤酒,幾好飲架。
無錯,成盤奉上介紹部位特質,侍應好專業,而且之後成餐飯都係佢招呼。
頭盤:無記錯應該係油甘魚伴蘋果,賣相精緻而且清新開胃。
烤肉配上呢幾款醃菜:醃青瓜,柚子蘿蔔與及泡菜。
就係呢兩件牛,然後哥哥仔就主理。佢問我要幾熟定係佢決定,第一件交由佢決定我覺得有少少熟過頭,第二件叫佢整生少少,佢又對晒唔住話第一件過熟唔好意思。好唔好食?好既,就算第一件過熟都好食既,個人喜歡加少少松露鹽就好好食。不過份量少囉。咁當然有碗靚白飯啦。

其實除左呢碗真係幾好飲既湯之外仲有另一碗和牛炒飯,果碗係非常好食。
甜品就無得頂喇!你睇:又靚,又真係好食架播!

咁成餐要幾錢呢?咁既服務,咁既質素,五百港紙左右,其實唔過份。而且,以為唔飽,實質我果晚無再食其他野喇。不過再去的話,真係搵多個人去會開心好多,我食唔到牛舌囉今次。

4 comments:

  1. "很高檔的酒店有一個和牛自助餐"係邊間? 可唔可以指點一下? Thanks!

    ReplyDelete
    Replies
    1. http://www.grandmayfull.com/posts/342

      可以d/l EZTABLE 訂檯,最簡單

      Delete
  2. 多謝! 我去到台北必試!

    ReplyDelete
  3. 琴晚食完和牛自助餐。質素對得住價錢。多謝推薦!

    ReplyDelete