Friday, November 4, 2016

平易近人的Chico Chica

西港島線令這區多了很多新餐廳,亦很多高檔的,不過能否長做下去就讓時間給予答案。以西營盤來說,高街的餐廳有好些都轉了,反而第三街的餐廳較穩定,除了依然很多人排隊的台灣小吃店與及旁邊那家韓式小Cafe依然在,對面的西班牙餐廳Chico Chica原來都開了一年多。

這家我光顧過兩次,都是吃午餐,你沒有想過百五元左右,已經有前菜主菜甜品咖啡,而且水準很高,絕對值得搭地鐵來吃,因為餐廳距地鐵站出口不遠。


利申:我認識其中一位老闆,但我從未被邀請往試菜呀食免費餐然後寫食評,而這兩次光顧我最多多左件甜品,兩次同行的朋友都大讚我才決定介紹的。

餐廳不大,裝修簡單而有著異國風味。

午市餐牌是這樣的:
所以,你是需要了解Fish of the day是什麼的,而甜品每日亦不同。
這是以鮮茄製成的茄醬塗在多士上,非常清甜開胃。
夏天果次去我選擇呢個荔枝蘋果凍湯,悶熱全消而且令你胃口大增。
另一次食左呢個Daily Salad with yogurt dressing,有呢個榛子係入面!
朋友選既Fish of the day配上蜆與珍珠洋蔥忌廉汁,我食左隻蜆,其實除左多,真係鮮甜到你唔信。
我第二次就食Fish of the day配白酒汁,有眼見啦,無走樣,都仲係咁大份而且繼續鮮甜好食。
我選既係Seafood Fideo,西班牙海鮮麵。平時食呢款或者西班牙海鮮飯無兩個人都唔駛旨意叫,呢度就有一人份既鐵pan上,而且仲要有大蝦蜆與魷魚,樣樣都新鮮好食架播!

甜品呢,第一次得到呢個Churro,即係西班牙油炸鬼,仲有Espresso ice-cream!以下係二人份:
另一次個甜品,唔好意思我真係唔記得左exactly係乜,好似係綠茶mousse,賣相唔靚,但我同朋友都食晒!
仲有我地得到厚待既Lemon Cheese Cake,嘩呢個真係不得了,細細件已經非常吊癮!
好喇,提提大家,此店星期三休息,所以平日黎食晏就要揀岩時間,而晚市據知都唔少人食,我就未食過唔知情況係點,不過的確推介大家去食個Lunch試試先。

No comments:

Post a Comment