紐約中央公園，聽得多，睇戲睇劇見得多。去年第一次去紐約開會，在公司會議室望過去，大到無倫，望落仲非常之舒服。不過當時同事話我知：有同事過黎出差，晨早去跑步，俾人扑濕打劫。
話晒咁近，又話晒日光日白，我無理由唔走入去行一行。重點是，我實在唔多想去太遠，因為積叻仲好嚴重。不如睇睇去年果張鳥瞰圖，簡單黎講，左右兩邊係樓，中間就係整個Central Park：
入面有湖有動物園冬天仲有溜冰場添。覺得非常難得既係，紐約曼克頓區竟然有咁大個公園，而入而又有好多人，可能係遊客，可能係當地人，悠閒地睇書呀曬太陽呀聽歌呀玩樂器咁，真係好正。
係呀我遇到公園入面有兩棵紅葉楓樹添呀！
未介紹Yankee Stadium之前，講講當地朋友帶我食既一餐飯，餐廳叫Root & Bone，佢地話要訂仲好hit添，賣既，fusion菜。首先介紹呢個叫做Grandma Daisy's Angel Biscuit (honey roasted chicken jus, benne seeds & sea salt)：
係咩黎架呢？英式鬆餅點雞汁同海鹽，嗯。
這個唔駛點介紹喇，Macaroni & cheese，美國食品代表，非常rich & heavy。
Drunken devil eggs: eggs with pickled roots n chips，幾好食架呢個fusion得。
Spring Green Salad，好食，我鍾意個dressing好清新，而且有goat cheese與士多啤梨，好有趣。
呢個真係估佢唔到典諗出黎：Buckwheat waffle with whisky maple syrup，格仔餅上面有Cheese同蔥，成件事又咸又甜咁囉。
至於呢個炸雞，除左讚佢夠嫩，實在唔多出色。
好喇，公司安排第一晚全體一齊去Yankee Stadium，睇Yankee對Toronto。我知美職棒好受歡迎，我亦因為細佬細細個有打棒球都知點玩法，所以巧眼訓跟佢地迫地鐵到達呢個美國人朝聖之地之一。
搜袋搜身之後入場，公司呢張飛應該要過千港元，冷氣位，有buffet亦有飲品提供。
食物質素係非常好，好到可能係我黎紐約兩次食得第二好既一餐。
我地坐第一排，後面一班Yankee Fans非常興奮，我就越坐越眼訓。Home run呀叫啦拍手啦然後繼續食，頂到第七局大部份人想走，我當然一齊走啦，好很眼訓架呢。
總算係一種體驗囉。
沒有留言:
發佈留言