難忘的皇仁同學會中菜部

半年前左右，有朋友吹雞話識人可以訂檯去皇仁同學會中菜部食飯，我淨係記得「佛跳牆」三個字，同埋，好難訂，要訂到半年後。我完全無概念呢間餐廳有幾勁，佛跳牆亦唔係好熟悉，總知有好西食，就去囉。

四月初終於去咗，成圍菜定晒菜單，我地被安排坐一間房。唔加一無收開瓶費，有專人招呼，有電視睇，呢Ｄ都唔重要，重要係，呢餐，真係好耐無食過咁精彩傳統中菜，你知啦，幾次移民潮，叻嘅中菜師傅，都去晒唐人街。