It's ok. It's not ok.

身在香港的你跟我，是的，我們不開心。 

我們知道世界很亂，但先放下世界先望望我們身邊的你跟我：先說吧，我還有工作，身體沒大礙。仍有工作在今時今日的香港，應該要感恩：戲院健身室美容院髮型屋等等從一月底要關門到四月中，幾多人受影響？餐飲業沒有晚市，捱得一個月，但你告訴他們要再捱兩個月，不如關門一會算了。幾多人受影響？

頓悟再前行：《我沒有談的那場戀愛》

我們可能因為執著一件事、一段情、一個理想然後發現沒有希望，而一蹶不振。通常可能會過著某一種走肉行屍的生活，很陌生，很不是自己，原因是根本不想面對以後，又沒有一走了之的勇氣。

《我沒有談的那場戀愛》是我很想看的電影，奈何那時不能飛台灣，又或者錯過了哪個上映的機會。於是知道Netflix有，最近終於看了。劇情並不如想像，然後殺我一個措手不及，哭了，那種遺憾，有夠難受。

選角對了贏了一半：IT狗

播完差不多十日，有無朋友跟我一樣好失落？為免無咁失落，我睇完立即再睇一次，無錯，《IT狗》播出果廿集，我同一班朋友好開心，有時更乖乖坐定定睇直播，然後一邊睇一邊吹。當中有IT界的朋友不斷表示「喂呀男Ｂ真係好鬼似我同事」之類之類，追電視劇（仲要身邊好多人一齊追）係一件好爽嘅事。

究竟呢套係咪喜劇咁簡單？唔係，肯定唔係！當中有關追尋夢想係一個題目，有關初創又係一個題目，仲有危機處理啦公關啦甚至有關Teambuilding之類都精準用一兩集有趣介紹，當然仲有最後一集好多好多比金句更有份量嘅對白，又點講得晒呢？不過套劇咁成功，我非常堅信，選角有極極極大原因。

我的2021廿首廣東歌

2021年廣東歌比2020年更多選擇，而我亦繼續聽繼續買繼續聽繼續買（除了唱片還有單曲）。既然如此，當然要紀錄一下，去年我最喜愛我最常聽的廿首廣東歌。

長氣都要講，無公信力，純粹個人去年真係聽得最多又最喜歡，然後發現，咦？乜咁多快歌呀！乜咁多英文歌名呀？