寶記別傳：西歌推介之王馨平

王馨平，當年寶記玉女歌手之一，由甄妮姐姐一手帶入行仲做過佢經理人。Linda當年出道其實年紀都唔小，報帛稱廿五而被質疑，不過對於佢當年唱廣東歌，一直都覺得怪怪地。

台灣出生，國語先係母語，所以國語歌可以唱得好溫婉，但廣東歌則時常有逐粒字唱出黎與及唱得好堀，加上當年寶記玉女歌手方程式快歌，佢唱過既好幾首主打歌，都實在幾西：

寶記別傳：西歌推介之周慧敏

我知，周慧敏乃很多朋友的女神，不過又其實，當中很多朋友都心知，女神，唱歌一般，醉翁之意不在酒，只因為她是女神，所以，她唱乜，你就得。

雖然周慧敏貴為玉女掌門人，但當年寶記一視同仁，西歌又點少得佢一份？況且，未過寶記之前，周小姐出過兩隻碟都有好多出色西歌，而周小姐有一大特色，就係派台歌，多西歌。

寶記別傳：西歌推介之陳慧嫻

年近歲晚，我相信唔少朋友未必鍾意出街迫！既然係咁，今晚就送上慧嫻姐既西歌推介！其實慧嫻姐與寶記合作多年，未講西歌之前，慧嫻姐多年來唱片封套勇於嘗試，都出現過不少好爆但反應欠奉之形象，特別係於跳舞街掃街茂造型之後，紮起個髻既品姨Look大唱變變變，到後來學成歸來正常左幾張唱片，突然配合唱片名稱《問題女人》整個紅色假髮，當然不得不提扮麥叔叔果個Look啦！

好，入正題，慧嫻姐派台作品當中，都已經有好幾隻西歌，咁不如先由大家熟少少既開始啦！

寶記別傳：西歌推介之鄺美雲

鄺美雲姐姐可算係第一代成功由選美出身轉型歌手，而或許因為外型關係，首張大碟已經走成熟女人路線，以貫徹其Ｓ型美人的形象。又別以為她唱歌靠個樣，她乃戴思聰老師徒弟，咁當然，唱成點，當年黎講，點都仲係未算實力派。

無記當年勁歌一直捧佢成為五強，而佢係寶記日子與及離開寶記真係西歌不少。寶記嘛，一向都如此，音樂工廠一樣無論你唱開乜歌總要有快歌俾你，岩唔岩唱都好都要唱。咁不如俾新一代朋友認識呢位珠寶界富婆當年對香港樂壇貢獻！

寶記別傳：西歌推介之徐小鳳

話說前幾晚，跟平日久不久就傾中文流行音樂既朋友係FB吹水，由唔知無記今年點頒十首歌講到關淑怡可能憑陀飛輪入十大，再講到提議陳慧嫻快快手唱隻千千闕歌新版上勁歌，再嗡到不如叫劉小慧出黎唱急色鬼愛出位，然後大家共同想起，寶麗金當年都為各位歌手製作唔少特色西歌。

西歌是什麼？其實此定義因人而異，即例如今時今日你覺得食軟雪糕好正，我就覺得好西。然後突然一時興之所至，不如來個寶記西歌系列，好讓我等同期朋友懷緬當年樂壇，又可以讓新一代朋友認識當年西歌特別多。寶記的西歌，女歌手擁有特別多，於是，頭炮就係下年開個唱既小鳳姐！