回味無窮的嬌姐小廚

的確，在香港我不是不捨得食，而是真的要確定好好食才捨得花，畢竟我對於那些賣噱頭或者叫我食裝修但食物一般甚至唔掂，咁我不如留返去外地食好啲。

最近食過兩餐中餐都非常驚艷，能夠有朋友帶去食，福氣啊！今次想介紹位於灣仔嘅嬌姐小廚。我連原本西灣河合時小廚有幾勁都唔知，但知道舊店無咗，依家想食，要去中環畢打街會所，都莫講價錢，你識唔識人訂先係問題。

係好食：尚盛潮州海鮮飯店

我祖籍潮州汕頭，細細個就俾老豆帶我去上環潮州巷，果陣叫垃圾巷食飯。而當年我印像只有好腥與想嘔，因為我呢個潮州人係完全唔得凍魚，細細個更加唔食魚。之後當然被好多次帶去尚興，因為，老豆同佢地好熟，我當年通常只會食幾樣嘢：沙爹牛河、蠔飯與及炸蝦蟹棗。大個之後，我周不時同一大班朋友去尚興，全盛期十幾人霸間房，打邊爐直落泡飯再加小菜，太子爺佳哥都識識地。

然後知道佢地唔做，分家，再開新舖。我從老豆口中知道好多背後故事，不過並不重要，重要係好唔好食。我成班朋友由十幾人到依家十人樓下飯聚然後海外果班次次睇到流晒口水，同時我地都承認，未搬之前，尚興出品水準跌左。我識果位太子之後坐落萬宜大廈以「尚盛潮州海鮮飯店」開店，我等一眾好友當然搵個時間落去食返轉。

好鍾意食大排檔小炒

香港市道唔好，但一樣有舖頭要排隊食或者晚市做兩輪。通常分左三類：一類就得到小Ｘ書加持嘅打卡餐廳，好唔好食，見人見智；另一類就老牌出名唔貴嘅，例如前排去完食得返一間嘅泉章居（但真心唔多好食）；仲有一款，堅好食，堅好多人去。

認識大排檔小炒係多得同學帶去食，基本上次次都真心覺得好味，就算佢唔記得左幾多錢以下只收現金唔收卡，就算要限時限刻（除非你包間房，其實又唔係好貴），都食得好開心。最近去過兩次，第二次同幾個同學去一行七人，可以叫多幾味，而我地揀左食六點到八點。

吃在胡志明：Ma Quan

雖然已經係二月果陣去，但當地同事安排去食呢餐，非常難忘：胡志明的確係美食天堂，更多有特色嘅餐廳，係當地人先識帶你去，因為我當日就算有地址，知道餐廳係二樓，到達該大廈，係完全無Idea應該點上去！結果要問當地人，先知麻煩你行從地下行入去大約五十米，越來越唔對路，然後選擇行左右，經過一條非常古舊樓梯，上到去門口都懷疑自己有無去錯地方，但一入到去，呢間叫Ma Quan嘅餐廳，主打皇室越菜，嘩，好似去左另一角度一樣。 

滿滿的回憶：再見吃什麼

我很喜愛的台灣小店吃什麼，在上星期六，劃完了句號。或許很多朋友都知道，我跟這店，與及兩位老闆娘，認識很多了，更是好朋友。知道這個消息之時正準備出差工作，回來之後，立即找時間探坊，然後星期五帶姪女們去吃（她們是Fans，而身在澳洲的弟弟與姪兒也是，不過沒辦法帶給他們吃，吃罷買外送讓她們帶回去給要上班的爸媽吃（也是Fans）。由於星期五晚人山人海，而我們點的，姪女們都很湧躍的吃掉，在星期六下午，我再去一次，點了個滷肉拌麵，靜靜的坐著，也遇到朋友到來。店當然人坐滿了，也有專誠來替他們拍照的朋友，更有很多特意來探望的，好不熱鬧。

原來，我是2016年初在水街還叫「請坐」第一次幫襯她們的。其實呢，第一次食果晚，係返爸媽屋企食飯，果晚飯菜一般，然後回家途中，口痕，咁就第一次食，一食愛上。

難忘的皇仁同學會中菜部

半年前左右，有朋友吹雞話識人可以訂檯去皇仁同學會中菜部食飯，我淨係記得「佛跳牆」三個字，同埋，好難訂，要訂到半年後。我完全無概念呢間餐廳有幾勁，佛跳牆亦唔係好熟悉，總知有好西食，就去囉。

四月初終於去咗，成圍菜定晒菜單，我地被安排坐一間房。唔加一無收開瓶費，有專人招呼，有電視睇，呢Ｄ都唔重要，重要係，呢餐，真係好耐無食過咁精彩傳統中菜，你知啦，幾次移民潮，叻嘅中菜師傅，都去晒唐人街。

吃在胡志明

有少少對唔住大家，因為忙，少寫好多，好多想寫，忙到唔記得點落筆。咁若果要快靚正有貨出而又滿足到大家，應該係寫食。

最近公幹到新加坡及越南，其實今次新加坡都有好野介紹，多得同事帶我食未食過嘅。不過，又好似寫越南胡志明市開心少少。雖然，時間緊迫，亦無乜預備搵有乜餐廳好食。下塌Park Hyatt，一間好正性價比極高嘅酒店，而酒店同事非常幫忙，第一晚自己出去搵食，想食河粉，佢地就介紹一間本地人會去嘅，因為我話俾遊客果ｄ，唔駛架喇。

大滿足的日式蒸海鮮餐：虎嘯

十月初，朋友帶我去食日式蒸海鮮。莫講日式，港式果隻我都好似無食過，原因？對於海鮮，我喜好係：一係刺身，一係炸。蒸呢方面並非最愛。餐廳係位於天后名叫「虎嘯」，都係果隻一幢樓每層唔係好大既新式商業大廈。

當晚每人都食呢個「罕有法國藍龍蝦海鮮蒸氣刺身套餐，位位HK$588，食乜寫好晒，我當晚係非非非常滿足，而且仲有食唔晒外帶。

台北你好嗎：Buon Pasta現代義式料理

其實這次去台北預備的時間比較少，所以都是匆匆忙忙找些餐廳或者讓朋友選好就去吃。這家位於板橋的意大利餐廳，我應該在面書不記得哪個網頁看到介紹，就覺得可以去試。

朋友都訂了檯，其實餐廳在捷運府中站走過去幾分鐘就到。餐廳所有意大利麵都是自製的，而他們會決定什麼的材料配上什麼意大利麵。由於朋友不吃魚，我以為我們不會點很多，結果，太誇張了。

又豪又好食：後街牛扒

重申一次：顏色重要，食物質素更重要。早前跟朋友去灣仔後街牛扒，佢就話有人話佢知好好食，我就食過一次晏，好食，不過果次職員鬧晒交就唔係好好Feel。今次，係要訂檯，因為原來晚市非常之爆。

晚市Menu並唔算平，我亦可以話你地知，我地食到成千蚊一位，不過咪嘩住，睇下我地食左乜先。

水準不俗的川菜店《金玥》

登隆街，餐廳一級戰線區，都不記得第一次是什麼原因跟同樣愛辣的朋友走去訂檯食金玥，好像是看了餓底TV報導關於他們的酸菜魚，那次嘛，兩個人竟然點了五個菜（包括二人份酸菜魚），食晒咁滯（酸菜魚剩低部份打包帶走，我之後仲煮左兩次米線食，極歡樂）。

食過翻尋味，最近一次找來一班朋友一起去，一行五人叫到一檯都係，當中有愛辣有不愛辣，都吃得滿意滿足，而且價錢不貴（是的，麻煩用開飯訂，好似有折）。於是，又怎能不介紹一下？

很不錯的爐端燒：南瀛水產

就算唔知幾時去到日本，大家見日元大跌一樣努力入定貨，因為我地太想去日本。於是，壽司郎Donki松本清成為我地感情寄託的好地方，當然好食既日本餐廳，而價錢又唔會離晒地兼要你食到限時限刻，我地一定會鍾意去。

五月有晚同朋友食飯，用開飯黎訂位（因為主餐牌有八八折不包飲品），搵到呢間係尖沙咀食爐端燒既南瀛水產。本住對香港日式餐廳應有期望水平，邊食邊發覺，咦，呢間喜出望外播！

師父飯堂與尚青商號

我對食唔係無要求但未至於好叻食得好巴閉。好食先係重要，顏色係Bonus，所以只有顏色而唔好食，我最多唔提。

呢兩間，有一間我幫襯好多次，有一間去過一次覺得好唔錯，咁不如介紹一下啦，雖然，呢排實在寫得太少，所以幫襯日記有少少久遠。 

在蘇豪食Meats

久不久跟朋友飯聚，有時就由朋友決定到哪吃，今次朋友隨意找了一家在灣仔的韓燒，我真的沒所謂的。中午時再查一下哪店的位置，怎知一輸入立即彈出ｘｘ富臨，我就告知朋友咁咁咁，然後她堅持立即找另一家。

於是，她問老公之後就訂了中環蘇豪的Meats，有Restaurant Week Summer 2021的套餐，於是便第一次光顧這家餐廳。 

藝術級的天海Omakase

鴨巴甸街有一間靜岡日籍師傅長澤佳明主理的天婦羅小店天海，低調，只有極少座位，午市要食都睇彩數 。曾經食過午市，天丼好食到不得了，天婦羅炸漿夠薄保持食物鮮味，調味精準，非常精彩。

早前有朋友訂了晚市的Omakase幫我慶生，由於疫情關係店家現時是HK$1,000兩位的極抵價，所以要訂位都非常困難。四月初終於吃了，他們有六點半及八點兩個時段，要準時到達，因為大師傅即場為你炮製，人家每個時段只招呼八個客人，逾時不候。

出色的午餐：仙后餐廳

張敬軒開的法國餐廳仙后早已久仰大名，亦見過朋友吃得開懷大讚，不過我亦知道價錢都非常之可觀。最近，跟舊老細聚聚，第一次光顧仙后，是他們的午市。

我通常到這級數的餐廳前都會到其官網看看餐牌，這次也不例外。我是先到達的，餐廳外的裝修儼如法國的小店，好耐無得飛的我和你，的確可以當自己身在外地。

Kiki麵吧幾好食

都唔記得從幾時開始認識Kiki拌麵，之後我試過老媽拌麵，試過曾拌麵，試過賈以食日，麻辣黎講我都係最愛Kiki，份量非常吊癮：又唔可以話唔飽，但食完又好想再食。知道Kiki麵吧在香港落戶，我在台灣都未食過，香港，終於去年十月底食過一次。

當日去K11 Musea睇親愛的房客，遇到親愛的醫生師弟，然後一齊打完Pokemon之後就決定食Kiki麵館。我係喜歡既！

吃吃的首爾：酒有別腸

睇得韓劇多，都知道佢地有一隻米酒叫瑪格莉，米白色，酒精含量不高，好順喉。去年出差，有一晚當地同事帶我去一家叫酒有別腸餐廳食晚飯，係一家專賣瑪格莉酒既新式居酒屋。

其實前年都想去，不過客滿，今次終於食過，而幾位同事話我知，女仔飲瑪格莉，好易醉，因為有好多唔同款既果味，唔覺唔覺，咁就出事了。

最愛的台北：晶華酒店的餐廳

台北的晶華酒店，由於跟我公司的辦公室很近，所以都在那邊吃過幾頓飯。偏偏，我知道他們的自助餐也很讚，但我又沒有吃過。

這次想介紹他們兩家餐廳，都是日本菜，都跟和牛有關。先來介紹，在B3的三燔本家。

最愛的台北：桔梗與Power Beef

想念台北，然後寫下吃過還沒介紹的，回味，也希望你們多個選擇，可以飛即飛即去。

今次寫的兩間小店，都很美味，都很值得你們去試試。哪一間我更喜愛？你讀下去就知道。首先介紹赤峰街的桔梗燉飯，是意大利式的燉飯，但配合不同風味的創意料理。