工作需要工作需要工作需要，所以急急又走轉台北，急到住開的酒店沒有Corporate Rate，決定去住心頭好又不太貴的喜瑞（結果住最貴果隻房都平過所有Corporate Rate）。
我明白，住邊，你無興趣知，上星期在Blog Facebook的朋友們，應該被我又食呢樣又食果樣（最重要又有新餐廳介紹）而覺得「呢條友係咪真係咁愛台北」，唔知，我唔識答你，因為好慚愧，仲係台北。
又非常有趣地此次出差剛好表弟又同時段在台北出差，於是，一個人食多左選擇。我與他雖不是住同一酒店，但來去程都差不多時候，所以，當前一晚吹水期間得知這個天大喜訊，我就立即訂第一日午餐一齊食。由於午餐要有兩點半後，好多餐廳都已經休息直到晚市，不過我的努力找到一家一直沒有去吃過的：紅九九個人麻辣鍋。
到達才知，店不大，果真是一人一鍋每人面前有電爐，而其麻辣湯以二十種漢方本草及四川特級青花椒長時間熬煮而成，重香麻不重辣，那麼愛麻辣的我，當然選了一半麻辣，一半黃金養身湯：
單人餐玩法如下：選肉類，最貴最靚果隻的話（無骨牛小排或者Ribeye），加埋其他連湯底NT$720，有乜野食呢？
頂層可以揀呢個或者菇，中間除左滷水類之外可以選海鮮拼盤或者手作拼盤（即係丸呀餃果類），仲有拉麵／白飯／王子麵／冬粉，最後仲有甜品。
至於調味料，佢整埋俾你：有一隻係FOR唔辣湯底，另一隻好多蒜花就FOR麻辣，的確真係要信佢，麻辣果邊，越煮，越好味，係完全唔駛加任何醬料咁好味，俾個例子：平時我對於鴨血真係一般，紅九九果隻鴨血，煮係麻辣湯好耐，非常入味，我食唔停口！下面呢兜呢就係我想加辣加麻，加完更加爽歪歪，重點係，麻辣湯，真係可以飲，仲好好飲。
紅九九蝦滑與墨魚滑又係不能不吃，高質足料，絕非魚漿！不過數到正，一定係肉！單人套餐已經試到肉有幾好食，我地兩條友出公數當然繼續食，就單點一盤牛小排，NT$640：
油花靚，而且牛味濃，一吃就知好野，呢個價錢，香港要咁大盤，至少兩百五三百（港紙）啦！圖下有半碗一定要介紹：記住，黎呢度，一定揀佢個北方手拉麵，超好食又彈牙，就算額外叫多碗黎淥，只係NT$30咋！
唔記得影，酸梅湯自家炮製一定要飲，而跟餐甜品，有呢個檸檬愛玉寒天，又或者仙草，好唔錯架！
我就真係對佢個麻辣湯念念不忘，下次一人出差，都要再去食，因為實在對於一個人食，呢個火鍋非常高質又抵玩！記住，訂檯啦，面書都有Link，不過要填個台灣電話咁解之嘛。
沒有留言:
發佈留言