都說了，同事介紹我吃不同的越南菜，讓我知道我認知以外的還有很多。我記得家住西營盤在非常年紀小的時候，在皇后大道西有一家越南菜館。我與爸常去吃牛河，他們那些檬呀濱海呀甚至鴨仔蛋我們當然沒有樣樣試過，但總記得名字。
這次，我也沒有試鴨仔蛋（太可怕不能接受），但有一些吃起來就想起那家店了。
首先光顧一家叫Quan bui的餐廳，是香港同事表示很近酒店而且價錢不貴又好好吃的。一條友到達，要上樓梯，裝修很特別，而且有露台——所以有外國人可以在外面隊啤吸煙，而室內呢，除了我之外，前前後後有三批食客，都是在這邊工作的中國人。
吃了幾樣東西，是超飽的。首先又是沙律，又是Lotus Stem沙律，有蝦及豬肉的。
可以見到材料很多，有究竟係筍定係蓮藕莖我都唔識分，有新鮮熟蝦，有烚豬肉。調味好好，開胃而好吃，連同蝦片一齊食，好得。
呢個海鮮炒麵好中式，材料好澎湃，夠鑊氣但不油膩。
其實我點既應該叫香茅烤牛肉米紙卷，我又實在無諗過係自己包既，當然，我唔會懶叻，叫侍應教我啦！首先將米紙輕放水浸軟，然後就放入米粉啦，好似楊桃但唔係（唔好意思我同事話過我知但我無寫低）既蔬果，青瓜片啦，香葉啦，仲有將包住香茅烤既牛肉拆淨肉包埋啦，就食得。雖然飽，但的確好清新好味道。
另一日，乃農曆唔知初一定十五，越南人係會去食素，所以同事帶我食素。最想食果間，初一十五當然爆左，然後再搵，去左Loving Hut，係呀香港都有果間，越南呢間就勁喇，兩層，好似酒樓咁，仲聽講可以係度擺酒。
越南既素呢，就一樣有洋蔥，蔥同蒜，所以，我食得好開心呵呵。
呢個係雜菌沙律，惹味而清新。
清炒夜香花，我好鍾意。
呢個炸豆腐上面放蒜，豆腐依然好濕潤。
呢個酸酸辣辣既湯就係用羅望子黎煮，從未食過，越式mild版素酸辣湯。
蒜香甜薯炒飯，乾身好味！
介紹下人地既青檸梳打，你自己落糖，青檸唔夠再俾你，不知幾好呀！
呢粒係用蕉葉包住既甜品，椰子紅豆，清甜有咬口。
若果越南食素係咁，我食多幾餐都仲可以呀！
沒有留言:
發佈留言