最近跟同事再到這裡吃過飯，當然是因為有同事有辦法在那裡訂檯啦（會員制的，我不知如何成為會員）！同事們都吃得盡興而歸，是那種可以一人點一樣都不會很貴而且很有水準的寧波菜館，而侍應服務就比較老友果款。
冷盤永遠是你想吃很多而選擇更多，所以，多人聚餐就非常好了！睇睇我地食過既冷盤：
無錫脆鱔，就算你唔鍾意食鱔，呢一道味濃又脆又香口，雖說冷盤，上檯永遠熱辣辣，送啤酒的確一流！涼拌馬蘭頭，此乃上海菜常見菜式，獨特的香氣，配上豆乾粒及麻油，好吃非常，這裡的馬蘭頭很清爽，調味剛剛好！拌香烏筍，本人至愛，我介紹給同事吃，他們第一次吃這種筍，非常喜歡，因為清甜爽口。
醉雞，紹興酒香，而重點是份量足，肉多，很好吃；雞絲粉皮，簡簡單單做好一道菜，味道剛剛好，青瓜絲與粉皮都非常乾爽；蔥油拌海蜇，海蜇處理得很好，調味亦精準，很難停手不吃的。
素鵝，千祈唔好以為易整，家母茹素，清楚知道要做到足料不油膩兼帶脆是考功夫的，這裡的很這質；至於煙燻蛋，十五蚊一隻，有相為證，隻隻流心，當然煙燻味可以更濃，不過只要輕輕加點鹽，你就明白點解一定要食。
包餃餅類又一定不能少，又介紹一下：
小籠包滿滿的湯汁，水準不俗，師傅手勢好；另外有素餃，這裡對於茹素朋友的選擇不少的！煎窩貼同事們很喜歡，肉也是滿滿的，煎得香脆。
銀絲卷不是我的菜，不過見同事們食得津津有味道該不錯；旁邊的點了這個蔥油餅，香口，份量十足！
樟茶鴨係要食既，非常入味，雖然有時有少少柴，但整體都好味好食。
雪菜毛豆百葉、賽旁蟹、回鍋肉，非常家常，無花巧，以上三項，送飯真係一流。
唔夠飽？招牌炒飯係非常好既選擇，又或者炒年糕，我地選左雪菜肉絲，再唔係來個Star War雲吞雞，你睇，多到你唔信又實在！
又點可以唔叫甜品呢！所以，香蕉高力豆沙，擂沙湯丸，豆沙窩餅與酒釀丸子都不能錯過，閣下胃口好堅的話，係可以點點八寶飯黎食既！
唔知下次幾時再去，但若果有朋友有會籍，的確好值得一大班朋友去食下。
沒有留言:
發佈留言