一個麻甩去東京：第三天（下）（新宿御苑、2k540、烤仙台黑毛牛）

離開築地，當時面書的朋友（私人的還有你們）都已經咬牙切齒，我說我要去散步，結果真的去散步。原本我是打算乘一個小時的車到昭和公園，不過在這邊有朋友問我：「你有到過新宿御苑嗎？」沒有啊，原來新宿旁就有一個這麼大的公園，裡面的樹很多，園林景色很美，草地滿滿的，位置只是在香港人常去的新宿鬧市旁邊，入場費只是二百日元。

新宿御苑曾經是日本皇室的所有地，裡面包括了日式庭園、法式幾何庭園及英式風景庭園，而且有很多櫻花樹及楓樹，所以，我這次剛好看到慢慢轉紅的楓樹。我在兩點半到達，後來才知四點半就閉園，發覺我不知不覺在裡面接近兩小時，只是輕輕鬆鬆的走了一半左右。

大家都知我中文水平一般，所以，我決定貼好幾張相俾大家感受一下，然後決定下次去新宿，不如用點時間入去走走，甚至可以野餐都得。

 

 

 

再次讚嘆iPhone 6S影Panorama真係可以好靚呵呵。散步完畢，我就搭Metro去下一站，秋葉原。我去秋葉原，目的地是2K540設計職人街。這裡是一條高架橋底下的一個步行區，裡面有約五十家日本設計師創作人所開的小店，對於不是十分喜歡Shopping的我，這裡是一個可以看到很多有趣東西的地方。這裡有日本小雜貨，人手製皮鞋，傘子，萬花筒，眼鏡，手錶，木製品，原木積木，文具等等。文青購物狂，小心你的荷包。

 

 

我係有買野既，好便宜，但我鍾意，又有祝福意思：

根據行程，我下一站係神田。做乜呢？是咁的，出發前幾天，在請坐的一周年晚宴，剛巧坐對面的朋友是從事引進日本餐廳到香港的工作，我就順道問他，東京有什麼食好西的地方推介。他跟我說：「上環果間Yakiniku Great食烤肉架嘛，你去東京總店啦，不過要去神田果間。都係食仙台黑毛和牛稀有部位，價錢係香港三分一。」

當晚東京下雨，我又帶唔夠衫出黎，基本上已經有少少饑寒交迫。搵到此店喇，又係無訂檯，店家話滿左喇唔好意思。當我搭升降機落樓，剛才果位侍應跑樓梯落黎截住我，原來我咁好命岩岩有客人食完走人！

  

A5黑毛和牛點睇先？咁朋友就講過：「記住點大約三千幾四千Yen果個餐啦！」我當然信佢啦，個餐原來係咁既：分別有黑毛和牛七個稀少部位。咁未食牛之前，睇睇我一人前個陣勢先：

 

我覺得睇住職棒直播一人前食烤肉成件事真係好日本大叔。首先我點左個沙律叫Choregi，是咁的：

 

另外仲有杯梅子highball。好喇，入正題：

 

首先要讚讚店員：佢地用有限英文努力解釋我知，每一樣要點烤（基本上紙上面都有寫，例如，一面三十秒），店員會講埋用中火定大火，應該配上鹽、青芥定係檸檬汁。你絕對唔駛擔心你唔識烤而浪費。究竟呢七個部位係乜呢？牛腰內側赤身肉、特上牛舌、菲力、大拖羅牛肋肉、牛肩肉 (肩胛骨附近，因為形狀似唐辛子故名)、牛肩肉 (肩胛骨下的稀少部份)、超。牛胸腹，而每一件，放入口，真係欲仙欲死！

  

  

係咪感受唔到有幾好食？唔緊要，我仲有少少片段：

開住手機計時器，一響就轉另一面，然後再夠鐘就夾上黎加適合既調味，放入口，一小啖就自自然然會偷偷笑，真係咁大個仔未食過A5和牛，原來係咁！老饕朋友睇過照片話：呢個價錢真係無得輸播！

好，我都有擔心自己唔夠飽，所以點左一碗川琦拉麵食，入面係雞蛋與豬肉碎，我點中辣，好惹味，麵好彈牙，越食越暖！

呢餐，六千日元左右，即係四百五港紙都唔駛，係咪離譜先！

咦若果你睇到呢度，彩蛋來了：我食飽未番酒店前搭左落東京JR站買手信，點解呢？東京駅內B1呢間叫Mamegui，玩法係，你揀一盒小食（可以係糖啦果仁啦等等），再揀一條小手帕，俾完錢，店員就會幫你咁咁咁整：

  

留意番，每條手帕都係日本製工藝品，只可手洗，有不同價錢。每一盒手帕加食物約七十元港紙左右，真係又睇得又用得又食得架！

 

根據官網，東京內除左呢間，墨田區仲有一間舖頭。另外要注意，佢地唔俾你影相影佢地有乜手巾仔的（我買完影佢地包就當然俾啦，我問左架）。