澳門吃葡人菜館

早陣子到澳門工作，天氣很好，若果不是來工作就好了。不過錢仍是要搵飯仍是要吃，所以，能夠被帶去食好東西，仍是非常幸福的事。

那天剛好兩餐都吃葡國菜，而那兩頓葡國菜，剛好都在氹仔，剛好都未吃過，剛好都是葡國人開的葡菜館，所以這兩頓飯是的確精彩。

午餐在葡多利，一間白色小屋，同事告訴我，高高高層來澳門都指定來這家的。

 

連有汽礦泉水都係葡國來的：

首先係呢個白酒煮蜆，你地見啦，份量之大絕不欺場，而白酒牛油汁再配上檸檬汁真係無敵，每隻蜆都大大隻又肥美，剩低既湯汁我都完全唔放過，非常高水準之作。

馬介休薯仔球，常見菜式，但能夠做到咸香之餘薯仔味亦夠薯蓉又滑外面又炸得香口就唔多喇。呢間餐廳果然有料到。

 

八爪魚沙律，八爪魚肥美鮮味又煮得剛剛好，用上葡國橄欖油加上蒜蓉西芹蘿蔔洋蔥，若果用呢個減肥我OK架！

跟住又係馬介休（係呀我真係好鍾意馬介休）又係薯仔，呢個炒薯絲亦非常之好食，最後我係打包走（餐廳唔想我地浪費我就卻之不恭喇）。

夜晚，中學師兄好耐無聚，佢身為澳門人，我話佢知今朝食左乜，佢話：仲食葡菜有無問題？當然無，結果佢帶左我去Banza Restaurant：

 

係呀我好鍾意食欖架！咁首先叫左一瓶Sangria，紅酒無同你慳而果味又有，好唔錯！

葡式烤香腸，應該係無估過咁香口又好味！烤過之後油份少左，咸香好送酒！

師兄話，豬耳沙律你一定要試！怕你呀！估唔到係熱架播，不濃味，鬆化，豬軟骨好好趙！

重頭戲黎喇：葡式海鮮燴飯，唔講住，睇睇陣容：

海鮮味濃到不得了！海鮮有乜？青口大蝦魷魚鮮魚，大大鍋，兩個人根本食唔晒！我覺得真係必食，只係加左蟹柳有少少令整個飯downgraded，但真係非常鮮甜，結果師兄仲可以打包囉走！

炒雜菜就係炒雜菜囉！不如睇下甜品囉：

  

我就食木糠布甸既，我咁答你啦，就算咁飽，我都覺得係要食！師兄果個我唔記得左係乜，我係食左啖，都好好食架！

所以，果晚搭船番香港，又大浪，我真係好驚我會嘔架！