重遇曼谷：Kum Poon與Tailing Pling

還記得幾年前第一次到曼谷，最後一晚被同事帶往吃泰北菜，他們想看看我能吃多辣，結果我是食某一兩道菜才辣到出汗。今次也有同事介紹我吃泰北菜，由於又係在Central World，咁方便，就去試試。

餐廳叫Kum Poon，後來才知原來網絡也有很多人推介的，於是一個人開始點了好幾樣，結論是，真係辣，而且由於我好隨意表示：跟平常的辣度就可以，他們就給我最正宗的辣。


未講食，講下裝修：好有森林及懷舊感覺，餐廳內有樹，仲係大大棵果隻，而門口呢幾樽懷舊玩具又真係好吸睛：

點過菜後就放下這些，我想起幾年前吃的店，也是放下這些的。那些調味料，本身已經幾辣。

點了杯青檸汁，上檯陣勢是這樣的，好好，因為你飲幾多就倒落銀色碗仔，再自己加甜。

第一道出現既係炭烤風乾牛舌！我好愛牛舌，呢道菜又點呢？

咪以為佢好乾好硬，其實唔係，非常香口而且Juicy，點一點酸辣汁，開胃非常。

然後我點左個湯，英文名係咁既：Thai Country style Spicy Herbal soup with Young bamboo shoot and Asian Marinated Fish。個樣係咁既：

我實在飲唔慣：用好多唔同香草包括刁草去煲既魚湯，魚湯有少少腥，而個湯係好好好辣！味道怪怪地，我飲左兩碗半放棄左。

選粉絲肉碎沙律而唔係木瓜沙律係因為個人喜好問題，好食，辣度高，不過都係唔知點解，全線粉絲沙律我食過既都係熱既。

呢個係醃咸牛肉粒泰式炒飯，好味啊，最重要當然係加青檸汁啦！

又有一晚，我本來跟住Google Map去Siam Square搵Mana，又一間好出名有生蝦食既餐廳，典知，執左！咁肚餓之下就入左一間叫Tailing Pling既餐廳食飯。

呢張相要表達既係，此店侍應多，但男侍應們呢就好努力招待坐我側邊兩位日本女遊客，而我就唔多理會。後來問過同事，佢話呢間餐廳出名招呼唔好。嗯，我係見佢咁多人食先入黎食嗟。btw，泰式檸茶係無得輸既。

食物又點呢？整體上幾好食播！就好似呢個泰式酥炸魷魚，惹味又新鮮，加上辣醬真係好得。

辣肉碎炒飯與冬蔭功，總之我食晒啦。

呢個係亂咁點而好好食既：夜香花海鮮肉碎沙律，凍架真係，而且海鮮你地都見幾新鮮啦，最仲要係個酸辣汁好清新，夜香花又好清爽，所以好深印象。

甜品係椰子雪糕加香蕉。可以既，但都係之前食過既好食。咁此店呢，以食物黎講真係唔錯既，服務就實在有待改善喇。