之後兩日都係由朝做到晚，晚飯當然無走雞出席公司晚宴。呢兩晚，都係食扒。我記得第二晚與美國同事講起，我食左Peter Luger！佢地話，咁依家食既扒你一定覺得差。無錯呀，我之後兩晚，第一晚食Ruth Chris，第二晚係去年都食過既Benoit，略略介紹一下啦。
Ruth Chris，香港都有，其實當晚個扒都好唔錯，煮法與Peter Luger唔一樣，而且我真係好鍾意堅medium rare肉汁四射，只不過比起上黎又不及Peter Luger咁解：望下相啦咁：
New York Strip Steak好韌，甜品過甜，唯一係蝸牛好食，你話幾令人失望呢！
回程前一天，請朋友帶我去Woodbury Outlet大出血，午餐唔好諗，就在Outlet食Shake Shack，係呀，家陣係IFC開左檔果間：
今次唔食漢堡食熱狗，都非常之咁好食：果條牛肉腸烤得好香，果然唔一定食漢堡！當然果個邪惡薯條都好不得了，而當日我非常反常，唔飲奶昔，飲左呢個Lemonade溝檸檬茶。
咁，我買乜就唔介紹喇，無乜意思既。直接去片介紹回程前最後一餐啦！朋友帶我去皇后區一家好家庭Feel好受歡迎既意大利餐廳Park Side！皇后區無諗過有一家咁受歡迎而且水準極高價錢親民既意大利餐廳，介紹下我地食左乜之前要先介紹佢：
呢位肥叔叔一直係門口做接待，我覺得佢太可愛喇，所以臨走搵佢影左合照！
介紹番：芝士呀Salami呀仲有ｎ咁多款麵包呢，係我地未點菜已經放低，開心到不得了！樣樣都好食，特別麵包，好多款，款款都正，仲問我地駛唔駛添！
白酒蕃茄煮青口，大堆頭，鮮甜，青口肥美，所有湯汁都不能錯過！
呢個唔駛介紹喇，蜆都係肥美鮮甜無得輸，不過調味就輕手左。
呢個同樓上果個又唔同播，蜆大隻ｄ，蝦大大隻勁彈牙，鮮味到不得了！
呢個係Sauteed Filet of Gray Sole Meuniere，唔係講笑，好好食，牛油煎得好香又嫩身，另配沙律大大份蔬菜新鮮！
杏仁曲奇係免費既，焦糖燉蛋呢度係凍既，但味道好豐富！Tiramisu各項味道平衡得好好，此餐廳整體印象係非常好，難怪咁爆啦！
好喇，是次美國喪食介紹告一段落喇！
沒有留言:
發佈留言