上個星期到首爾出差，其實跟當地同事約了十二月初，他們也提醒我天氣會很冷，不過沒法子，工作嘛，又不是你揀個好時間去遊玩。於是，帶了羽絨，還有最重要的手套，在當地的六天，有試過最冷的零下七度，還有一整天的氣溫都是零下，遇過了人生第一場雪，萬幸沒有生病，一切安好。
今次一樣沒有太多時間遑逛逛，只有第一天到達的黃昏後及星期六半天可以。我沒有因為天氣太冷都留在室內，而今次終於有機會到首爾的街市，當然，我無咁有恆心無啦啦落街市，一定有目的先出發既。
首先是廣藏市場，作為牛迷的我，後來才得知要食又平又靚生牛肉就要去廣藏市場。剛巧今次出發前無太多時間了解有乜餐廳值得去，然後發現餐廳死亡之吻車呔人剛剛出左首爾指南，於是睇一睇，竟然又有一間廣藏市場食生牛肉榜上有名播！
從南大門酒店出發，叫酒店人員幫我同的士司機講想去邊，然後佢載到我去附近，用手勢問我係咪食野（我估啦下）然後係某個入口放低我。一入去先發現，想搵食生牛肉果間舖並不容易，無錯，入口旁已經有餐廳，但一場黎到，無理由唔搵番果間架下話。
當我仲未搵到之際，發現賣小食既店舖！位於三十八號舖既水原商會，除左有韓國小食魷魚絲呀雞泡魚干之類，仲有好多便利店會掃既小食！非常齊備，仲可以用信用卡，國語溝通亦得！
幫襯過當然順便問路啦！繼續沿店右方向前行至二百號左右有一條巷仔，入面幾間都係賣生牛肉，咁我要去果間叫광장시장 부촌육회 ，
車呔人推介餐廳，一九六五年開業至今。入去之前，門口有阿姨整生牛肉，入到去差不多全都係韓國人，我呢個外國人就顯得好有趣。
我就當然點生牛肉啦，其實上圖你見到，仲有兩味都可以叫：一款係生牛肉加生八爪魚，當然用麻油撈好啦！另一款，我幾愛牛都好，無諗過想食生牛柏葉與牛肝。
好得！調味得宜牛肉鮮甜，最重要係抵食，萬二Won咋！另外呢，我點左支馬格利酒，我開黎飲果陣，旁邊韓國食客即刻出手提我要搖過至飲，幾好人呀！若果你地由大街想直入呢條巷仔，外面左右都係藥房，係咁既：
好，跟住去左中部市場，是臨離開前既早上。目的，是去買紅蓼，因為年紀大要補一補喇，不過我又唔想買果隻韓劇成日見佢地即開隊落口果隻，於是，網上介紹有一間叫首爾人蔘，藏身於中部市場。搵呢間係因為有香港人在店，有乜問都清楚ｄ啦。
再次聲明，我就無幫人賣廣告，所以你想搵佢地係邊，自己上面書搵，佢地有page。我呢，就買左呢兩樣：
左邊果隻每朝食少少（四份一咖啡匙都無），真係唔駛飲咖啡，對我就幾有效喇，咁當然啦，所以呢一樽都係貴。另一隻係capsules，未試。佢地好似黎緊冬日美食節有counter，自己去了解下，佢地話應該貴過南韓買少少咁囉。
沒有留言:
發佈留言