貴有貴滾

最近不斷滾，所以才有如此沒有預謀之下的去滾三步曲。繼平有平滾與番屋企滾之後，最後壓軸同樣是過年前好友相聚的滾局。三希樓，我與他們久不久都要去一次的，雖然貴，但貴得有價值。

位於半山唔半山金鐘唔金鐘的科達中心的三希樓，出名食川菜與及火鍋，而這裡的四川麻辣鍋，是我吃過本地最喜歡的，而且食材的新鮮，實在沒話說。

係，此兩小碟已經計錢，但好食播！

有去過既朋友都知，三希樓火鍋那層，有個陣容強大的自然醬料吧，當中有很正宗的四川調味料，要幾辣幾勁，自己較。

麻辣與魚湯，開波前留影。

此乃當晚唯一非火鍋料：涼拌麻辣鵝腸雞絲，真係好食到癲！

送架播，呢個雞腳辣度都幾強架！ 

肥牛與牛心管，後者實在令人懷念，我的一眾寧記滾友明我的。

唔駛點介紹啦！唯一要聲明就係，我係唔食雞子既。

竹筍與雲耳，是次新點食材，我以後都會食，好好味！

豬紅亦非我所好，但呢個桂花魚片真係，滑到無乜好講。

某島主話，鱔片好食到痴線喎。

戰績如下，請留心睇睇幾多個人食先好去嘩啦！