喪食在嚐泰

本來，十月先介紹完，無理由咁快又寫。不過，因為實在上次介紹過後無乜回應，而前排帶左好愛吃果位島主去食，仲食左之前未食過既，當然要趁手再介紹多次。

是的，位於灣仔石水渠街的嚐泰，某晚平日七點到達，是之前打了去訂位，然後在我們大吃大喝之際，餐廳已經坐滿了，而且，還很多是外國人的，我想原來這裡已經慢慢多了人認識。

飲啤酒，當然象啤，高興地方係杯全部雪凍，咁既啤酒先至正嘛！

好，是次最最最高興，泰式生蝦刺身！

讚！新鮮度爆燈，鮮甜彈牙並不會過度雪藏，特配醬汁非常掂，所以，安哥了的！

此柚子沙律之正宗與鮮甜，令我想起我在曼谷吃過的，噢，很想念。

依然有點的辣肉碎生菜包，信我，你鍾意食的話，到此店真係不能不吃。

是的，晚市的冬蔭功，通通暖著，而且料多蝦多，仲係新鮮果隻！

信我的話，呢個又係不能不點！恐龍蛋呢味菜，外層魚膠厚薄適中，炸得香口，點一點附近蜜糖汁，好正呀！

又信我的話，呢個炒貴刁，係好靚，但唔好點，因為甜，因為真係較失色。

以上兩款絕對可以，若果喜歡，要點。

咁，夜晚原來都好有必要訂位，各位想試，特別上次我面書貼出黎見生蝦就好興奮既朋友們，行動吧！

仲有仲有：開飯話只收現金，錯！人地係收信用咭架！