我在吉隆坡開飯（一）

出差吉隆坡，上一次到馬來西亞應該是九歲那年，咁，即係同無去過無分別。公司安排，住在Shangri-La，而食方面當然自行處理。又，由於每天工作很累，還有被同事們善意告誡，晚上治安有點怎樣怎樣，所以，覓食這回事，這次不算太精彩。

不過的確又有好野介紹，又有中伏警告，咁，應該可以用兩三篇介紹。到達那晚，不停下雨，但點都要搵食架。本來以為可以從酒店行去雙子塔，但雨太大又太肚餓，結果在沿途一家叫AVA Bistro疑似酒吧餐廳開飯。

原來此店是賣中東菜的，我被吸引入座原因是他們宣傳唔知食乜送啤酒，咁，就入左去。

馬拉紙兌港紙好容易，你將之Double就差唔多！咁，我係叫左客雞翼架播：

唔係講笑，係炭烤雞翼！好多香料調味，而且肉嫩入味，仲要一二三四五六七八隻，仲有真係即炸薯條與及Grilled Tomato（果堆沙律菜係麻麻地），咁既價錢送埋啤酒，有冇投訴？

無飯落肚又唔得，於是，點左Arabic Tikka，係乜黎呢？

西冷牛柳以乳酪黑椒洋蔥醃製再炭烤，少許Overcooked但好味既，呢個飯就極愛喇，以牛油炒過，齋食都非常咁Good，呢碟，RM42.90。

好，然後介紹一家叫Lemon To Go既Cafe，位於酒店之內。同事們喜歡黎呢度食晏，有三文治有喇沙亦有我點呢個，勁掂牛肉粉：

精粹所在係呢個勁濃牛肉湯，偏向越南口味，落左唔少香料，但真係好濃好飲！牛展算鬆化，成碗我真係連湯都隊埋，唔貴架，幾錢真係唔記得，因為唔係我俾錢。

晚餐，一心諗住食越南好野，去到Suria KLCC一家叫Du Viet既餐廳，星期一晚上，客人不多。小弟點左幾樣野，難得地，樣樣都唔得。

呢個米紙卷點完唔駛一分鐘就送上，明顯係包定啦，大家對於米紙有些少認知都知道，呢樣唔即包肯定唔好食，結果，成件事又凍又韌，難食。

呢杯香茅青檸得個甜字又唔夠凍囉。

呢碟先離譜！喂我未食過越南蒸粉卷個皮厚過腸粉囉！你有眼見啦，賣相已經核突，仲要個粉皮厚又難食，真係係咪淨係用黎呃外國人呢？

最後呢碗火車頭，湯底勉強可以，但入面既料唔得，牛柏葉又Menu有上檯無左，越食越唔開心，雖然，成餐只係我食，又只係差唔多百二蚊港紙。

之後再介紹其他。