在大榮華見到韜韜

冬至飯吃得豐富嗎？其實最重要是一家人團聚，吃什麼都沒所謂。早前首次到灣仔大榮華吃晚飯，而且還有韜韜介紹食物，見到實物，嗯，好有壓迫感。

不過雖然我們並無跟他推薦飲紅酒，不過他為我們介紹的兩三款食物，果然好掂。

一開波就黎Out focus實在有原因，因為大家肚餓。魚肚蟲草花浸時菜，魚肚處理好好，蟲草花亦好好食，非常喜歡呢道菜。

全晚唯一失望食物，椒鹽九肚魚，不熱已經不脆口。（就當遠望後面的蟲草花吧）

牛油蒜蓉炒雞球，咪講少，真係好香口，送飯一流！

紅酒牛舌，頂瓜瓜，加入黑椒粒，整件事好完整好好食，連蘿蔔都好食！

上一張相大後方果兩支，就係用黎豬油撈飯！阿姐示範一次，女士們亦吃得津津有味，肥？唔覺播！

大榮華的脆皮乳豬原來咁高質，咁駛鬼去新兜記咁貴咩！

花雕雞煲，韜韜介紹果然好食！侍應處理過後，先將煮得剛剛好嫩滑非常雞肉上檯，然後果煲湯，真係好飲到不能停，之後再上唐生菜淥一淥將吸湯汁精華，正到爆！

鱆魚馬蹄肉餅，都好好食架，又夠厚播！另外點左糯米飯同蝦醬蒸肉根，竟然唔記得影相！不過重點，係以下兩道：

要留既馬拉糕，夾住奶黃，嘩，真係唔食唔得掂，仲一定要食埋呢個：

奶黃水晶包！！！！！幾飽，都要食呀！

我一定要快快手攪一次約一大班朋友去掃場先！