抵食又好食的霸王山莊

認識此店已久，不過是多年前在灣仔，而那分店已結業，現在好像全港只有兩三間。上個月到了尖咀那間，目的是吃片皮鴨，因為一起吃飯的人數太少，他們的片皮鴨價錢合理而且據聞不錯。

訂了位，到達後，先點那個信用咭套餐，再加預訂的片皮鴨，是一定吃不了的。不過他們的食物真的不錯，是值得一大班人去吃的。

這是前菜，那些菇好好吃。

這沒記錯應該是翡翠海皇羹，很不錯的，而且清淡，料亦足。

西芹腰果炒蝦仁，勝在不油膩而香口，蝦仁質素不錯。

這兩小碟，海蜇青瓜不錯，但那醉雞麻麻，竟是另上一碟疑似紹興酒讓你添味，點呀！

呢杯，係特價推介蘋果醋梳打，於佢地製作期間我發現佢地落好多冰蘋果醋就少少然後喪溝汽水，我立即同侍應講：少冰丫唔該。

宮保雞丁，量不多但好食，炒得不錯！

這個霸王炒飯好得！炒得乾身，料又多，帶子蝦仁金華火腿都有，真係好好食！

係喇，經理開始片鴨喇，不過記住播，你唔出聲佢係唔會俾番個鴨殼你，因為我地點一食唔係兩食。不過個鴨殼包得好好俾你囉走，抵讚！

唔係講笑，三百蚊唔駛佢呢隻真係好食，而且每塊包皮都用紙隔好唔會痴實晒！

食唔晒外賣亦得！佢地好有心另外俾燒鴨醬，所以我囉番屋企細佬都食得好開心，而鴨殼爸爸另一日就囉黎炒香，抵玩又抵食！

甜品啊！桂花糕是我最愛的。清甜足料！

絕對值得約一班朋友食，但記得訂位啊！還有片皮鴨也要訂的。