澳門超掂意菜館：Pizzeria Toscana

早陣子到澳門工作，順道約很久沒見的師兄吃晚飯。他是地道澳門人，吃什麼，全由他決定，因為我肯定不會令我失望的，過往他帶過我吃的，都很好。

今次他選了在媽閣長城大廈附近的意大利菜館Pizzeria Toscana，不易找，幸好我見他之前找了舊老細聚舊，他著司機載我到那裡，早到了，所以發現餐廳對面的媽閣斜坡，他們又稱之為小長城的港務局大樓，美得很！

講講吃的吧！餐廳賣的都是很正宗的意大利菜，選擇多，花多眼亂。不如先看裝修：

注意，水，是要收錢的：

首先出場的是意式薄生牛肉片，我話你知，連同熱辣辣麵包一齊食，真係唔講得笑！

師兄話薄餅不能不吃，於是他點了這個：

沒有花巧，夠薄夠香夠脆，芝士味濃，救命！

不過更得人驚，係呢個：

呢個意大利雲吞，六粒，浸係食到尾都仲係流質既牛油，內裡係菠菜加芝士，係香到不能牛油味，你一邊食已經唔記得左個『肥』字係點寫！

Carbonara，每一條麵條都有芝士味，而且乾身唔會一Pat醬，火腿多到飛起，未食過如意精彩既Carbonara！

 Tiramisu，酒香濕潤度通通岩岩好，無野好講的精彩！

價錢又唔好以為好貴，以上再加師兄一個外賣孝敬愛妻既意粉，五百幾蚊落樓，我覺得真係好掂！

見到其他食客點既Parma Ham with Melon，墨汁意粉等等，我知道，下次黎澳門，呢間真係要再見！