只限午市的天膳

這晚是有人請客款待慰勞，而請客者決定到天膳來個Omakase。準時到達，我們被安排坐在餐廳較入的位置。

不知Omakase係乜的朋友，可以看看以前寫過的，而這晚嘛，晚市，價錢當然不是這個，至於結果如何，不如慢慢讀下去：

唔係以貌取人，不過呢個盤如斯擺設，實在很難對此餐有期望。

這是小前菜：左邊的是蟹肉，普通，並不算極好吃；右邊的是海參漬，酸酸地，幾特別。

以上兩款白身魚，一款係左口魚配酸汁，另一款配上用魚肝製成豉油。首先刀工差，切得厚，而且咬落有渣，呢兩款已經扣晒分。

第三道刺身依然犯上同一毛病，我開始懷疑面前呢位咁後生既師傅係咪未夠班，而另外兩位望落有經驗既就走去Serve成班熟客！好喇，直到牡丹蝦，唔駛佢切，呢個終於鮮甜好味。另一樣好唔高興就係，都未試過食Omakase食到趕頭趕命，我未食完一樣野你就隊第二味俾我，無野下話！

中途突然送上呢個炸海鰻骨俾我地送啤酒，呢個不錯，好脆又唔油膩。

象拔蚌與鮑魚刺身，咁高貴，而且好難唔好食，不過鮑魚都係普通貨色。

好喇，剛才牡丹蝦蝦身加蝦頭炸左，雖然炸得不錯，不過都係果句：我都未食完一樣，你又隊上黎，到我食呢樣又凍左，咁想點先？

呢個用紫菜包住醬油燒帶子係唔錯既！

好喇，終於似樣喇，呢個Toro油份好高入口即溶，我滿意既。

呢個係池魚，唉，叫我就咁食，點知無味道，我一向食開應該用些少酸汁撈撈佢，佢呢個我食到仲有少少腥，頂！

趕頭趕命上半場，到壽司喇，又點呢？

呢個海膽壽司加上岩鹽係好食既，但果位朋友話：如果海膽真係超靚就唔駛加鹽啦！丫又係播。

係有人見到隔離食緊後加既鰹魚而叫既刺身，睇住果位司傅整，食埋口又唔覺得別，不過好似又有少少腥。

等了又等，先繼續有得食。以上兩款都經火炙，不差，後者Kinki魚係好食既。

呢個汁燒海螺，賣相一流，不過咬落，Overcooked啦！

另外兩款壽司，基本上壽司比刺身好食，而以上兩款，後者係Toro加醃蘿蔔與紫穌葉碎，出奇地配合。

最後呢個蜆清湯，好清仲有柚子味，不過隻蜆又係煮耐左。

後半部上菜速度好慢，果位司傅忙整其他野，即咁囉，食過幾次Omakase，師傅都會好專注招呼客人架！點解呢度咁？

最後仲有柚子雪芭，埋單果陣，阿朋友話極唔抵食，去鮨福助都差唔多但質素好得多！所以，佢覺得好唔爽，話要再食過。

點知呀，各人回家之後，係肚痛同痾左次。原本都想繼續叫你地食佢午市就好喇，家陣咁，我係咪叫你地直頭唔好幫襯佢地？