生日在台北：A Cut Steakhouse

都說同事朋友對我很好，所以，這次生日遊台北，跟同事朋友吃了幾頓飯。首先要介紹是位於國賓大飯店地庫的扒房A Cut Steathouse。

一直有聽聞這家很不錯，我也打算下次出差來吃的，然後今次同事邀請，我先到的，看見餐牌，嘩，價錢都好A級。

午市是這樣的：你選一款主菜，然後前菜甜品餐飲都送的，當然不同的前菜／甜品／餐飲可能要再收費。而主菜呢，不點牛排的話是千五台幣左右，不過無理由人地最出名食扒你黎到唔食扒係咪先，咁扒既價錢又點呢？

午市咁樣樣，據聞晚市更不得了。於是，我決定點這個U.S. Colorado Cedar River Farms Rib Eye Steak 500g，兩人份的。

先寫寫前菜：我選左澳洲Westholme和牛嫩肩里肌他他配生薑柚子醬子酸麵包，睇相先：

賣相好靚，醬汁係即時在面前添上，生牛肉他他高質而且應該手切不是用機打碎，混入洋蔥香蔥松子絕對不得了，配上脆脆麵包，食過咁多次生牛肉他他，呢個真係非常高分。

同事選既Raw Cobia，無試下，好靚咁囉。

麵包當然無限量供應，香軟好食，所以我用黎將剩餘醬汁掃光。

牛扒未上場，先端上四款鹽，法國海鹽、西班牙燻鹽、喜馬拉雅山玫瑰鹽、夏威夷竹葉鹽。

 

好喇，唔好講咁多，三成熟，先試原味，呵呵呵，好濃牛味，而且嫩滑，完全無筋，我敢講好食過我係紐約食果兩次牛排！配上不同的鹽又有不同味道，我最愛就係煙燻鹽喇！當然蒜粒係絕對不能錯過，就算你怕蒜頭，信我，係鮮甜既。

 

配菜可選兩款，烤西蘭花唔知佢用乜調味，非常香口；而薯蓉香滑到不得了。

 

呢件純朱古力小蛋糕係因為我生日至有既，濃到不得了呀！而我選既甜品就係鐵觀音Soffle配白桃雪糕，水準好高！

飲品我無選咖啡喇因為飲得太多，選左冰鮮檸檬汁，好開胃！

再次感謝同事非常客氣請我食呢一餐，下次出差有機會都想再食，熟成牛扒真係好出色！