人少少飲茶首選：點點心

每當我行經我家附近的周記，特別是假日，門外總是站著很多人乖乖的排隊。我很久沒吃過不知現時水準如何，但的確做得不錯的點心是很有市場的。

若果兩三個人去茶樓飲茶又難搵位，想吃點心可以怎樣呢？近半年的都喜歡幫襯點點心－－一家無記錯是台灣人開的點心店，從台灣開到香港，而每次都覺得物有所值抵食仲要唔加一（不過只收現金），我吃過的是佐敦與及黃埔店。



每次去都坐滿，而且每次都見外國人光顧。玩法簡單，都是看著點心紙選好即叫即蒸，另外有茶提供要另收茶位。點心久不久會轉轉選擇，而他們的點心分好幾類：

傳統的就是大家都估到果批（詳細名單呢度有），我最愛呢就有鮮竹卷啦牛柏葉啦奶黃包，而一定要推介係佢既蒸飯，無記錯廿幾蚊，但水準不賴份量足，除左呢個煎蛋牛肉之外無記錯仲有排骨與及鳳爪添！

另外有創意點心，定期會有新品推出，我食過燒汁釀茄子與及芥末咸水角，之前仲有芋蓉流心包都好好食架！仲有一類就係藥膳點心，我次次都點既就係藥膳棉花雞喇！

若果有朋友茹素，點點心既素點心係有好多選擇架！例如野菌腸粉啦，上湯腐竹啦，素春卷啦當然仲有好多甜品啦，所以有朋友要食素，你都可以帶佢去飲茶架！

無記錯有分店仲開得幾夜添，若果下次想食點心，呢間水準真係保持得幾唔錯，係坐得迫少少，但香港既租金情況，大家明白架啦！