在由治及興的香港，表達意見都要非常小心；而言論自由從來都是文責自負，同時你寫什麼出什麼Post，作為一個都玩咗Social Media好多年嘅人，應該清楚點寫可以好玩啲，亦可以保謢自己。
我在此不討論「咁咪好可悲囉」這回事，不如用我今日出一個Post，與及之後有些回應，講講乜叫Logical Thinking。
「 融入社區，同附近嘅新光戲院好夾。」
然後有回應是：
「請問有幾融入? 周圍都會有韓星, 港星既應援貼出黎, 請問點解要拎當區有歷史地標黎講, 覺得好好笑?」
「其實相同風格, 唔同風格又點, 咁就可以拎歷史建築物黎講笑?」
貼兩張相，寫「好有愛」「融入社區，同附近新光戲院好夾。」究竟從字面當中應該點解讀呢？
—粉絲好有愛，風雨不改，支持你。
—融入社區，同附近新光戲院好夾。簡單來說，在那裡出現，與其他人事物沒有違和感。
究竟如何融入社區？我當時其實見到兩位婆婆埋去睇過係咩一回事，你睇，又成功令唔認識呢位偶像嘅長者開始認識佢喇！
當然當然當然，我寫幾粒字好有愛與及兩張相，已經可以無限聯想，例如：「睇你咁耐都知你份人賤賤格格咩野居心」
這只是閣下推測，嗯又咁講，可能上到法庭，我會有罪。
至於取笑歷史建築物這回事，其實「同新光戲院好夾」點解係取笑建築物？係因為相關應援影衰新光戲院，定係Vice Versa？
我諗我果幾粒字無任何褒貶，若果係，早排之嘛，有一個post貼出一位叫左大俠開演唱會，我寫「新光戲院永遠唔會令人失望」，又係咪取笑呢？
之後有呢個回應：
「虛偽? 原來北角街坊講兩句就叫虛偽. 新光戲院對好多北角街坊黎講的確係歷史建築物, 起碼我地會尊重. 你幾時會見人會拎棟building 講笑?」
我已經寫左喇，就算搬埋北角街坊咁大個朵出黎，究竟我邊度有笑新光戲院呢？除非你覺得寫新光戲院一定係負面。
「如果貼出黎係其他偶像歌手(I.e. MC, 洪嘉豪), 你又會唔會專登影低post上黎?其實呢幾年周圍都好多呢d 應援貼出黎, 唔係得Mirror, 唔明白你到今時今日點解仲會大驚少怪.」
原本一件美事貼出黎講「好有愛」變成大驚少怪，況且，睇怕我都貼過唔少歌手藝人應援，唔係點會得到果班平日好喜歡將時間浪費係我個page身上嘅膠谷友出擊。
好了，寫一點正經的，因為我相信睇blog既係鍾意睇文字，先可以俾我咁長氣。
無論網上又好，工作上又好，總有一些人會寫／講一些說話，表面無乜野，但你聽到就覺得「頂你個粉人咩意思」。問題是，人家有權用subtle方式表達，表面看來可以無限聯想，你牙癢癢，但不適當地出手，就對號入座了。
都莫講現時香港你要識得玩文字遊戲，工作也好朋友之間也好，有時直腸直肚可以是優點但同樣可以惹來麻煩，人越大，越知道在什麼時候可以講幾多，講幾多之餘又保留幾多。
發表任何意見都有連帶後果的，我永遠記住。
又假設，你是粉絲，覺得呢條粉人串你地。點解唔用另一方式諗：不同年紀粉絲用不同方式應援有何問題？
『好有愛』
然後任何人睇到，係應該可以有感覺，對於美感，是很個人的。若果要去不高興有人覺得唔好睇，嗯，今時今日，你仲有機會公開支持偶像應該感恩，仲介意其他人點睇？
最後想說，其實，你明刀明槍講點解針對咩話（至於有無是另一回事）而唔好又拉新光又講取笑來得好看。