台北你好嗎：Buon Pasta現代義式料理

其實這次去台北預備的時間比較少，所以都是匆匆忙忙找些餐廳或者讓朋友選好就去吃。這家位於板橋的意大利餐廳，我應該在面書不記得哪個網頁看到介紹，就覺得可以去試。

朋友都訂了檯，其實餐廳在捷運府中站走過去幾分鐘就到。餐廳所有意大利麵都是自製的，而他們會決定什麼的材料配上什麼意大利麵。由於朋友不吃魚，我以為我們不會點很多，結果，太誇張了。

不如先介紹先點的前菜！這個叫花枝亂沾，其實是炸花枝配上青檸汁及美奶滋：

花枝極新鮮，炸漿很薄，剛剛包著花枝，與九層塔一起炸，加上青檸汁與及美奶滋，調味剛好，咸香鮮味，非常高質。

這是酥皮意式燉牛肚！意大利菜有燉牛肚一直有所聞，這次第一次吃，牛肚、意大利節瓜、薯仔與鮮茄醬燉煮，再配上酥皮焗香，好吃！因為你是會吃到食材的鮮味，沒有刻意濃濃的調味，香口清新！

這是之後點的重慶麻辣脆薯，是我們一致認為最最最好吃的！薯條配上重慶麻辣醬及Parmasen cheese，然後再點一點那個蒜味蛋黃醬，可以告訴你，就算有多飽，你都停不了手一條一條吃下去！

我們點了三個Pasta（係呀痴左線），由最好食果個介紹：

白酒蛤蜊吸管麵，其實即係白酒蜆墨汁意大利麵，不過留意，佢嘅意大利麵真係中空，佢煮到Al Dente，而意大利麵吸收白酒與及超新鮮蛤蜊嘅鮮味，好食到癲！而你都見啦，蛤蜊喪多，而有眼見嘅新鮮，係逐粒啪都充滿海水味，難怪當日見有一食客，一人前，點呢個，滿足地食完離開！

川蜀波隆那肉醬公主麵，你無估錯，麻辣醬肉醬麵，惹味而且越食越辣，好過癮！

西班牙奶油蒜香麻花麵，蝦係極極極鮮甜，而呢隻扭扭麻花麵好有咬口，只係略嫌唔夠入味，但整體都好好味架！

當日實在隊得太飽，所以係無叫到甜品，而此店食物有心思又好食，咁食法加埋兩杯飲品都唔駛千七台仔，下次去台北，不妨考慮一下。