最愛的台北：晶華酒店的餐廳

台北的晶華酒店，由於跟我公司的辦公室很近，所以都在那邊吃過幾頓飯。偏偏，我知道他們的自助餐也很讚，但我又沒有吃過。

這次想介紹他們兩家餐廳，都是日本菜，都跟和牛有關。先來介紹，在B3的三燔本家。

那次是同事請我到那邊吃壽喜燒，好像是一個海陸空套餐，由於是去年十月的事，我真的忘記了價錢，但好吃的，都想介紹給你們：

 

前菜是紫蘇梅香涼蕃茄，酒店製作，絕對有水準而且鮮甜開胃；然後有時令刺身，這次吃到的就有三文角及油甘魚等等，肥美，擺盤有氣勢，二人份咋播！

 

炸軟殼蟹配蟹黃，擺盤靚而且好精緻好食，另外每人有一份炭烤時令鮮魚，有冇人話我知，呢條係乜魚？我淨係記得我係食晒既。

 

 

好喇，重點來到，我記得有三款肉：美國頂級無骨牛小排，台灣嘉義雪花豬肉與及美國頂級Rib eye，就算任你點，就算幾好食，你無可能點得多，因為前面陣容都咁鼎盛！

甜品，都係打孖上，抹茶雪糕配紅豆，黑糖豆腐奶凍，又點會唔好食呀！

另一次，在酒店地下的Azie Grand Cafe，遇上台北美饌x東京飄香期間限定，咁我食左乜？

呢個四格食物，其實有日式四味同台式四味，當日只有台式四味，從左上角順時鐘：醬漬九孔鮑、金沙蝦球佐南瓜、嫩煎蝦釀香菇、桂花蜜漬芋頭。好食，當然好食，不過無論係台式四格定係日式四格，都有以下呢個：

 

台北晶華冠軍和牛牛肉麵，選用來自日本和牛，先呷一啖湯，我忍唔住嘩一聲，呢個清燉牛肉湯味道濃厚到不得了！和牛半生熟，入口即化，配上粗身麵條，杏鮑菇等等，呢個牛肉麵，一！定！要！再！食！

以上套餐NTD880，睇番餐牌，原來平時一碗冠軍清燉牛肉麵，牛肉仲要只係澳洲貨，都要NTD500，嘩，我今次真係賺左喇！