美國食乜咁食：回到紐約繼續食（中）

好好好，有睇面書既朋友都知，當晚（即回到紐約後第一天）我去左邊，興奮成點。當晚多得在地朋友安排，專車接送由Manhattan到Brooklyn再番Manhattan，又食又有觀光。

事不疑遲，出發到Brooklyn的原因只有一個：因為朋友仔非常有心，早於我出發前一個月就已經訂此餐廳，因為非常爆。Peter Luger Steakhouse，1985年至今一直被票選為紐約最佳扒房，其他讚譽多不勝數。

餐廳有乜咁出名？佢地只選USDA Prime Short Loin，然後再自己做Aging，所以無理由黎到係唔食扒既！我地去既係Brooklyn老店，只可電話訂座，餐廳唔收信用卡只收現金，朋友話意大利人開既可能有某原因佢地鍾意現兜兜收錢。早左到，醒兩張Brooklyn黃昏前靚相你地先：

 

當然仲有Banner果張啦！餐廳一入去係酒吧，亦係等一眾等食既朋友打躉既地方。你報到之後，佢地得就會叫你名，再帶你入座。

 

帶我地入座既伯伯非常風趣，但係麵包係凍既（呢樣我見其他食評都係咁寫），旁邊個Luger Sauce係俾你食扒用既。

 

首先介紹呢個朋友表示又係必食既：Luger's Sizzling Bacon, Extra Thick, By the Slice。點形容個好食法呢？好似西方燒腩仔，咸香脆口充滿油脂，配上果兜帶酸既汁就一流，可以平衡一下油膩，真係必點，唔點會後悔。

 

除左食牛，我地都點左羊：Lamb chops, 2 double thick loin chops, extra heavy cut。就係最簡單既鹽與rosemary調味，上檯熱辣辣，呢個烤羊架係剛剛好，肉味濃帶點應有羊羶味，愛吃羊既朋友，一定唔可以錯過！

  

Medium Rare，伯伯端上，旁邊流出滾油，香氣撲鼻。俾我影完相，伯伯就慢慢分俾我地食。左邊同右邊質感唔到，我已經唔記得，我鍾意食左定右，只記得當時不斷講：「好食到痴線，多謝你地帶我黎。」

 

就算係Creamed Spinach都無得彈！食完，都天黑喇。

若果閣下一人前，係可以嘗試無訂位亂入坐吧檯的，信我，218呀唔係，一定要食呢家。我之後兩晚工作安排晚餐都食扒，係一蟹不如一蟹。

食得滿足讚嘆地離開，朋友們載左我去旅遊景點之一，Brooklyn Bridge，秋天的童話其中一個重要場景。睇靚景之餘，我請佢地食雪糕，而我，點左個peach cream milkshake，你睇下哥哥仔用左幾多雪糕炮製呢杯奶昔：

咁送幾張布魯克林大橋同曼克頓夜景相俾你地啦：

 

嗯，播番首歌：

曾經藏著的愛情。。。。。。