美國食乜咁食：1 Hotel Central Park

第三年到紐約，選擇第三間酒店。其實上年The Quin好鍾意，不過訂機票果陣又唔知點解不在選擇之列（後來又話可以揀），既然選擇左另一間，就試下啦。

1 Hotel Central Park，主打環保巡環再用，所以無論酒店外觀與內在裝修都用上好多木材與舊物料與植物，我呢幾晚就住得幾舒服既，缺點就有既，牆身隔音唔夠好囉。

　

床，絕對大張，而且兩邊有晒要控制燈呀乜乜乜既，仲有個疑似電話都係用黎控制燈光call room service等等。我非常喜歡窗邊位置：

 

雖然望樓，但夜晚或者晨咁早坐係呢度嘆下，成件事好似拍緊戲咁，you know what I mean LOL.

 

檯面電視咁樣樣，你見到有舊石頭，若果我唔駛換床單，會放「Not Now」係張床佢就唔會幫我換喇。第二張圖下方果個圓型小木板係房門鎖匙，好有型。

 

 

沖涼放洗頭水東東呢一大塊，係來自Florida Wetlands既落羽杉樹。至於呢幾支東東，雪松加岩蘭草味，係有少少怪，但果支body lotion非常潤。

  

酒店lobby是咁的，係咪好有型。

價錢係乜？住左三晚，千四美金，hey, New York Manhattan 係咁上下價錢啦，最重要，又唔係我俾岩唔岩先。