土炮小店的Omakase：森沃

其實對於屋企附近的食店，我並不特別熟悉，畢竟我食來食去都果幾間，太貴我又唔捨得食（是的，既然出差可以食好Ｄ，香港食好Ｄ又唔多值），所以，當朋友請食飯，話東邊街有間日式小店有Omakase，我係完全唔知有一間咁既餐廳。

餐廳名字叫森沃，座位約十個，晚市都做無菜單料理。店子小小，放了很多日本酒，而且應該有不少熟客。我不知他們開業多久，我只是想介紹幾個月前吃過的這一餐。

  

圖中間就係老闆，而當日點了支清酒，是咁樣served的，我們更可以從小店收藏的漂亮酒杯選一隻用。首先出現的是這個鮟鱇魚肝：

鮮甜的，不是什麼驚喜。之後是鮑魚：

老闆對於日本食材認識不少，而且刀功不俗，這個鮑魚是爽甜的，反而蕃茄上的白蘿蔔關東煮給我驚喜更大。

　

北海道大蝦，老闆娘特別介紹，蝦頭都可以吃，不要錯過。的確好大隻鮮味，蝦頭內的東東全都可吃，沒有難受的腥味。

兩人份的赤貝刺身，睇住老闆將之撻在砧板上發出聲響，然後我一個月後到日本發現師傅都係咁整，相信呢種係其中一種表演方法。赤貝非常爽脆！

秋刀角刺身，配特製酸汁，據知當時秋刀魚當造，所以先會以刺身出現。好少食到的。

蠔啦，不算特別肥美但是鮮甜的。

刺身的出現令我有少少失望，一來切得過厚，二來見到三文魚就覺得好一般，而整體此刺身所選魚類亦是一般，拖羅幾肥但有筋。

無記錯好似係Kinki，當然好滑好味啦。

紫蘇葉包蝦天婦羅，有水準，炸漿薄調味剛好而且不油膩。

呢個係烤鱈魚乾片，好脆好香口非常岩送酒既。

照燒雞翼，唔知特別係邊度咁囉，即係，係好食既，但係Omakase見到你就會覺得，咦，點解見到你？

炙左口魚壽司，肥美，不過無啦啦臨尾出現又係唔知點解。

蕎麥湯麵，用來等你飽肚既，好食。

柚子雪糕做甜品，見唔見我隻酒杯好靚？

好喇，真係朋友請既，據知連埋支清酒每人約千五蚊港紙，我唔識講值唔值，但整體係好食，朋友就話佢都係有人帶佢黎happy hours識左呢間小店，的確又係黎飲酒幾唔錯既。有興趣就訂位，因為真係位唔多既小店。