首爾再寵寵：Nolboo與大瓦房

我一直相信在地人帶我食的跟我看什麼美食指南呀旅遊介紹是不一樣的，所以，同事帶我食乜我係有所期待。縱觀今次呢，有喜歡亦都有失望既，當然因為工作行程關係啦！不過唔緊要，夜晚一樣可以自己食好Ｄ。

Nolboo，我上次應該無食過，上網望望先知原來出名部隊鍋。當日同事帶我去食晏，氣溫應該係零下兩度，所以急急腳坐低，交俾同事決定食乜。

佢地唔係揀部隊鍋，係我都未食過既炒辣雞：

  

主要呢三樣啦，跟住？等阿豬媽出場處理啦梗係：

就咁啦，睇住一邊炒最後加埋芝士係好好好吸引架！

未完架播，食到咁上下，同事問：食唔食炒飯？梗係食啦！

我只能夠話，咁凍，食呢個真係好不得了，又唔算好辣，雞肉又嫩又香，炒飯當然更不得了啦！

晚餐，我就咁，根據車呔人介紹想去食醬油蟹，大家都記得我提過非常懶拆蟹啦，所以，當睇到介紹呢間係有提供拆好俾你撈飯既，嘩，岩晒我，咁耐都未試過醬油蟹，呢個係好機會。

麻煩酒店幫我打去問有冇位，搭的士去到，門口見到除左車呔人推介之外，仲有強國旅遊網推介，原來此店叫大瓦房，入去係要除鞋，因為係木建築。

 

雖然我講英文啦，我被安排坐間房果四張檯，都係強國人香港人，不過大家都好好，無嘈嘈閉。講番食喇，未點菜之前，先端上呢個：

一碗玉米湯，凍既，唔知點解，不過幾清甜。我就當然點左個醬油蟹撈飯餐啦，仲有乜呢？

韓國梅酒，唔錯，不過都係日本梅酒好飲，而且我飲唔晒囉左番酒店。

 

好值錢既天然松茸湯， 兩萬五千Won，除左松茸，入面仲有好有趣既韓式餃子（長型），湯好清甜。好喇，醬油蟹撈飯套餐，三萬Won，陣容強大：

首先講講果十幾碟小菜非常精緻好食，當中仲有韓牛；第一次試既醬油蟹呢？無死咸，撈飯食的確係爽歪歪，我記得呢度兩隻蟹就三萬五，所以呢個餐（我相信係一隻蟹卦）好抵玩。若果想試醬油蟹，此度唔錯，仲肯定佢地識國語。