有朋友話我知，韓國豬手都非常好食，有機會要試試；又有朋友話，你上次食果間炸雞好一般，你亦點錯菜。今次，我終於食到豬手，亦係酒店職員介紹下食到好好味既炸雞。
先介紹豬手店：再次發現原來
車呔人首爾名單都算信得過，此店在中區近City Hall站，我當晚找到當地朋友一同前往，他表示，此店一直受歡迎，被車呔人推介後就更誇張。店名是
만족오향족발，在一條小巷盡頭。
其實小巷當中佢有兩間舖，我地去盡頭果間，有兩層，一上樓上熱鬧非常，都是在地人啦。無論你點乜，侍應阿豬媽都會送上以下東東：
湯年糕加餃子，醃菜，沙律。沙律係無限量供應，其餘好似唔係，定係阿豬媽太忙呢下。我地點左個38,000Won套餐，話係兩人份量，但我諗四個人食都得：
或者我都提過啦，韓國人養生之道呢，就越凍食凍野，所以，凍到咩咁周街都係見人囉住杯凍飲（而佢地繼續嗌凍）。此乃凍豬手，豬手依然軟身入味（味道剛好不會濃）而且略帶Wasabi辛辣，另外有沙律菜及爽口海蜇，開胃好食，賣相更加方便呃LIKE。
主菜，半隻豬手，軟身，入味，肉鬆化，充滿骨膠原，配上韮菜及辣醬食又係另一種風味，第一次食韓國豬手，味道咸中帶少少甜，好岩送啤酒，的確好唔錯！
套餐仲有呢個冷麵，唔會好辣，放心，味道清爽開胃！
又，某晚啦，我跟三位同事吃晚飯。三位韓妹應該係節食中，所以，晚餐後返到酒店本人實在唔夠飽。本來天氣凍就唔想出去，不過肚餓唔會訓得好，於是落去問酒店職員，介紹我步行唔駛五分鐘有一家炸雞店叫KKANBU，當時，係晚上十一點。
餐廳係非常熱鬧，偶爾有好似我咁既遊客出現，但上班族比較多。當我奇怪點解佢地入黎坐一坐成班人叫一盤雞飲幾飲就有人訓著，我第二日問當地同事，佢地話，十一點，多數係第二場，即係頭場已經飲左好多，明晒！
綠色既小食係唔好食既，醃蘿蔔就好好喇，特別係之後食炸雞。我點左醬油蒜味炸雞：
好惹味，雞肉嫩滑，份量多到一個人肯定食唔晒，但真係食唔停口因為味道調得好。呢份，18,000Won。下次搵朋友去食炸雞先！
沒有留言:
發佈留言