一個麻甩去東京：第二天（下）（Snoopy Museum、屋台屋博多劇場）

從Mori Tower徒步到Snoopy Museum大約十分鐘：Snoopy Museum我會建議大家在網上預先買票，可以平二百日元，不過同時要注意，票是買了某一天就只可以某天才用。

到達場館，首先到票務部用確認電郵取票，然後會得到一張非常精美的票，是當天推出的四格漫畫，所以三百六十五日的票都會不一樣（問你點儲齊）。

然後入場，應該先去影餐飽，有一間房有好多人物豎立，另外有好幾塊可以俾你囉係手影相既：

  

 

場地每半年換一次主題，今次遇到是Love Is Wonderful，陣間講講有乜關主題事既展品，首先係常設部份，我最鍾意呢幅牆，用上四格漫畫砌出來的：

 

另外當然有屬於很有歷史的展品啦！

 

跟住有一部屬於Love is wonderful既動畫影片播放，當然不可以拍照啦！講述不同主角的明戀暗戀，有睇開Snoopy一定認識的！之後就逐對主角有不同展區：

 

 

 

此主題的確適合情侶入場，因為，粉紅泡泡不斷出現：

  

 

臨離開場館，有另一部卡通，是我非常非常喜歡，很溫暖，很有愛。

好，其實展館不大，不過不緊要，購票入場，紀念品館才是大家的破財位，因為真係好多野買！

  

  

是的，有部份商品，講到明只有此館才有，而且買果陣仲要Show票，每人都有quota。我買左乜？

 

 

個罐勁靚，而且真係密封罐，有咁多塊朱古力曲奇，好食既，1000日元。

呢幾架期間限定係幫朋友買既。

好，都夜喇，出番黎要醫肚，行行下見到一間叫屋台屋博多劇場，賣串燒與及博多下酒菜：

我被安排坐吧檯，睇住師傅炮製美食，口水直流：

串燒由百二日元到三百五日元不等，大部份都好食既，只係雞皮唔夠味，無問題，自己再調味。

沙律菜是高麗菜配上昆布條，我就點左鹽檸檬梳打。

調味料旁放左呢樽，係乜東東呢？我即時問日文耍家既朋友，解釋我知係食三粒係可以防醉之類既，又岩既，居酒屋係咁飲，做好防備是需要的。

芥末明太子，睇住師傅烤香再上菜，好岩送酒！

日本面豉炒牛腸，蔬菜好多，好好食。

仲有呢個此店好出名煎餃子，配上柚子胡椒醬加餃子汁，好香口！

呢間舖好好feel食物又好食又唔貴，有好多鍋物我無機會試（因為份量太勁），而且開得夜，好似仲有表演睇（唔知係咪二樓）。有機會於六本木可以試試此店！