食個View：Harlan's

由於有機會因工出差，好多時食好西都留在外地，特別係高檔次餐廳／食物。無他，香港貴價餐廳，唔知點解咁貴又唔明貴係邊，我知租金貴，但若果食物質素服務質素都唔好，條氣又實在唔多順。

兩個多月前工作需要參與一個飯局，參加者是來自其他國家的同事。攪手選了位於尖沙咀The One十九樓的Harlan's。明白的，一個能夠特到近十百八十度維港景的餐廳，未開飯前還可以在露天位置飲酒，睇住日落，實在無得頂的。

海外同事面對如此美景實高興啦！不過，最重要都是食物是否可以。由於我們一行廿幾人，將他們的Private room包了，其實有點窄，只是勝在夠私隱與及該房也有自家露台。

侍應逐位問飲乜，咁同時問問大家要Sparkling Water定係白開水，又有同事想飲暖水。我附近幾位同事要前後更正三次先得到佢地想要既水（即係上錯晒）。當晚的Tasting menu要八百多元一位，究竟有乜野食呢？

首先，Amuse Bouche，是凍哈密瓜湯加炸魷魚，味道無特別，但唔高級，我指係無論食材與擺盤：

然後我選Slow cooked Salmon, Asparagus and boiled egg。三文魚，味道普通帶微腥，即係唔似Slow Cooked似煙三文魚；其他，都係咁，但擺盤真係唔得。

然後我揀左龍蝦Linguine。有趣既事情又發生喇：我想要黑椒，有侍應知道，就囉左支好大支幫我加，然後其他同事佢問都唔問直走，有同事要截住佢表示想要，呵呵呵！

賣相係點你地自己講喇，八舊幾水一位播！味道呢，一般囉。

到主菜，U.S. Prime Strip Loin，聲稱Slow cooked，我要五成熟。旁邊幾位同事都係。好喇，上菜喇播：

雖然張相Out Fo但重點係，我與幾位同事同時覺得係Overcooked，七成熟啦即係。肉並非特別出色，但你收我呢個價俾咁既貨色連五成熟都做唔到就失敗。更頂癮係，大家諗住佢會上芥末，有呀，當我地都食完咁滯，佢先囉入黎囉，三隻都有呀，服務有趣到呢。

食View啦都係。

最後甜品係好食既：Raspberry Chocolate Napoleon，我個「好食」係相對其他食物質素好食。

席間，越南同事問我覺得好唔好食，我話，我掛住越南既法國菜。