食物水準高的竹壽司

其實我真係唔係成日四圍（係香港）搵野食，因為香港食方面，好大舊錢去左租金，所以要食得好，我會留番出差時好好食，所以，通常食得好食得貴，都係朋友請。呢一餐，五月尾發生，非常ad hoc，我更加應該坦白係我真係唔知銅鑼灣有一幢叫Cubus既大廈，所以更加唔會知有間叫竹壽司。

放得太耐先寫既結局就係唔係好記得自己點過乜，單憑相片慢慢介紹，但我好肯定當日坐吧檯，睇住師傅炮製食物，主廚以外幾位後生師傅，有女食客不時發出心心眼。

費時你地話我無圖無真相：

好，先介紹食乜，朋友先點左枝酒，好飲，重點係，我好鍾意枝酒個名：

酒杯好靚，餐具又靚又有品味，清雅脫俗不浮誇。

我印像中係點左個餐，而朋友就老點我——話佢之前同阿媽飲左茶唔食咁多，結果點左個刺身Set差唔多我食左三分二：

這前菜是豆腐與八爪魚，八爪魚刺身上加上秋葵汁，非常清新爽口。

茶蒸碗，香港日本餐廳來說水準非常高，嫩滑鮮甜，當中有鮮蝦，無得頂。

朋友所選刺身，無投訴，每一款都水準有番咁上下，特別記得油甘與吞拿魚，真係入口即化！

燒頂級鹿兒島和牛，師傅火喉控制得好好，所以，只需加少許鹽，連同蔥花放入口，啊！好興奮。

其實我個餐都有刺身，你睇你睇你睇果幾片拖羅真係好離譜架，仲要播，我食到半路睇住師傅處理：

係咪更加好味先？
咁，其實我之後食左幾件壽司既：

駛乜我介紹，全部無修圖，你淨係睇相，壽司型靚，用料新鮮，當中拖羅與海膽無得輸架！

仲有呢個，拖羅手卷，嘻嘻！

燒玉子加上麵豉湯都無失手，最後仲有雪芭：

柚子既呢！

呢個午餐非常滿意，唯一就係有位侍應對於我地既提問真係有少少遊魂，但食物啦餐廳裝修啦位置啦都無得輸！