台北繼續食：高級烤肉八兵衛

這是我這次離開台北前的一餐（不過今次仲有餐廳未介紹），早一日就問常到台北的老饕朋友有什麼推介，第一家發現趕不切訂座，然後他推介在信義區由日本來開店的八兵衛，表示他們的烤肉很不錯，若果是公司俾錢，絕對值得一試。

於是，五點前到達，準備吃餐豪一點的Early dinner（然後上機前在國泰lounge再食必吃牛肉麵），登記，入座。估不到，在場也有兩三檯是一樣這麼早吃晚餐的，老饕朋友告訴我，這家，晚一點就很多人了。

坐在可以看見廚師炮製食物的地方，發現有位相信是日籍師傅在主理，而這師傅，是可以令到坐在另一邊面向他的女食客們出現心心眼的。（下圖左邊果位）

咁我當然希望食好野啦，由於餐廳非常吸引的套餐是要兩位起，孤獨的美食家就只能a la carte了。

先要介紹他們自家醃製的高麗菜，任食，非常好食，我食左好幾碟，爽脆酸香開胃。

燒牛舌，啊啊啊啊啊！就算如此厚身，一放入口，那份美味而且充滿鮮甜的肉汁就爆出來，係師傅炮製既功力呀！

烤五花腩，豬肉都可以好鬆化，炮製時已經加上鹽巴，什麼都不用再加，已經好好食！

雞皮，係有少少Overcooked，不過依然香口好食，特別加上芥茉。

呢個，就係澳洲和牛炭烤，肉質不錯，內裡微微粉紅，我得得再生少少就完美喇！

就咁食就唔夠飽既，問佢地推介我食飯定麵，佢地介紹呢個八兵衛特製雞湯拉麵，湯的確好出色，麵身偏硬有咬口，內裡加入肉碎，好滿足。

餐廳提供好多酒類選擇，我先後飲左兩杯混入鮮果汁既Cocktail，唔好意思真係唔記得名，但第一杯好飲過第二杯既。

我諗下次真係要搵多個人黎食，你睇，呢個套餐係咪好吸引先！