又去台北必有因：くら寿司 藏壽司

是的，我好悶，又去台北。這次五天沒有迫自己搏命跑，因為台北熱到癲，基本上出一出去已經全身濕透。另外年紀大，開始似比我年紀更大的朋友旅行的情況：食啦，按摩啦，再食。

首先要介紹，乃是這間應該在台北熱爆的迴轉壽司藏壽司Kura Sushi。在去年十二月開張一直長期爆滿用app訂位無兩星期前動手都隨時無得食，今次，終於食到喇！因為六月初告知當地朋友會來，朋友就立即在倒數十四日十二時用app訂了，而且留意番，用餐時間只有一粒鐘。

日本來台暫開一間，對全松江南京站非常易搵。到場，報導，排隊等安排座位，店員會向第一次幫襯朋友教導如何從迴轉運輸帶取壽司，是的，有點技巧的。

下層店方迴轉的出品，上層你點完佢會送到你面前，只要用上上層平板點完就可以。斟熱水位底是放回吃過的碟，每五隻就有一次扭蛋機會。

入夠五隻碟，平板會播出卡通短片，失敗就下次再來，成功就有一粒扭蛋。當日，有五次機會，中左一次。

壽司選擇不算多，不過價錢極抵，大部份都是四十元台幣一碟，部份八十（若果八十的話佢真係俾兩隻碟你去扭蛋，好均真架）。咁，水準如何呢？

以上咁多樣除帶子及蟹腳之外樣樣都係NT$40，以此價錢新鮮度好味度都喜出望外無投訴，實在不難明白點解長期爆滿。

朋友極力推介火灸壽司，呢個熟蝦有三種味，蒜香，芝士及醬油，三款都幾好食，我就至愛蒜香同芝士喇。

另外食左呢個杏鮑菇天婦羅，高高高水準，菇仲好Juicy，不過要提提你：呢款唔計一碟無得囉黎扭蛋架播！

重點黎喇：無估過此店甜品咁掂：

以上三款都好好，特別最後呢款千層蛋糕（NT$80）超好食！真係高水準過好多舖頭，必點！而且呢三款個碟，係可以扭蛋的。

咁無人話唔可以Walk-in等位既，不過我都係建議早訂位有著數啦。好喇，你又會問：食過呢餐，你有冇去上引呢今次？

答案係，無，因為，我有更精彩既選擇。