Common Room & La Piola

回歸中環上班九個月，當中以開飯比較麻煩：人多，貴，不是沒選擇但真係貴。我是那種絕對不喜歡浪費時間於午膳時排隊的人，雖然香港人很愛排隊，豚王又排，對面翻新越南餐廳又排，和民又排。

所以，若果約朋友食晏，想大家舒舒服服坐低食，訂位真的不能懶。訂得位，價錢有番咁上下，如何選擇一間值得俾食物不錯而且不太嘈吵的，不是沒有選擇的。


今次想介紹兩間價位二百左右的餐廳，均是頭盤甜品任食另選主菜的，而兩間餐廳的特色是，雖然位處極旺區，但或者好多人無諗過入去（因為餐廳其實都主打黃昏過後的drink & nightlife），所以訂位易，亦不太吵。By alphabetical order，先介紹Common Room。

位於老蘭的Common Room並不位處地下，但不難找，旁邊一條小樓梯即可直達。環境很不錯，餐廳頗大，那一張長吧檯就更有特色。

望望Menu：

我食過兩次，Menu好似無乜點轉。第一次食最簡單果個椒絲蒜蓉意大利麵，水準以上，不油膩Al Dente，最近一次食Risotto，如下：

還可以，味道不過不失，不過明顯未收汁。

頭盤選擇可以，沙律好幾款，有Ham亦有少量海鮮，食材級數可以但當然不能要求太多；湯是很不錯，兩次光顧都感覺良好：不是水汪汪，料多，味道標準。還有，咖啡很好，另外有水果任食。

另一間La Piola，威寧頓街石板街交界，Happy Hours好多人特別洋人，午餐人不多，但原來樓上的意大利午餐，水準很高。

環境更靜而光猛望落威寧頓街，不錯的。

我的選擇是：羊，不錯；朋友選的是Veal Scottata，望到我流晒口水，我下次，一定要食果個！

頭盤，贏晒！比起Pepino更正宗更好食，選擇不算太多但勝在樣樣精！

仲有，麵包送既：

其實只係食頭盤加麵包已經滿足到不得了，不過無湯飲咁囉。

寫到咁，其實我首選一定La Piola，若果book唔到，Common Room都好唔錯。

食晏諗諗佢啦各位。