法國印象：無牛不歡

有關於食，我來到法國，真係食左好多牛肉。我愛牛肉，但又未至於不吃牛不罷休。來到法國的第三天，無論跟同事吃的午餐，與及自選的晚餐，都在吃牛。

午餐，位於商業區的我們，附近有一個很大而且很有型的商場：CNIT。同事帶我到其中一間名叫Red D'Hippo的餐廳，是主打吃扒的餐廳。

有眼睇啦，非常多人，雖然此餐廳主打法式Grilled food，但位處商業區，餐廳明顯有諗過，於是設計時尚，很多高身桌與椅，而且頗密但又未至於你會覺得唔自在，這跟Fine Dinning不太一樣。

以上三款不同口味的芥茉，法國人喜歡拿來塗法包，很不錯的！難怪有同學提議我買芥茉回港，我就沒有太大興趣喇。

有得食喇！旁邊紫色係法國紫薯薯蓉，並不是蕃薯而真的是薯仔。好香滑，同事就話咁香滑肯定落好多牛油，我話，好食我理得佢丫！

至於塊扒，同事話我應該唔識睇法文而點了一件無咁肥而好咬口既扒，其實佢燒得好好食，切開亦有肉汁，但我都係鍾意食帶肥既牛扒。

唔計飲品，呢份扒，午市，要差不多二百三十蚊港紙，都話左法國食飯貴架啦！

不過有例外與及方法播：

當晚晚餐，一個人吃，而因為翌日要倒塔咁早出發往南部，所以都不能選太遠。於是在Tripadvisor找附近的餐廳，找了一家叫Crepes & Co的，是專賣Crepes的，法國東東，當然一試！而因為Tripadvisor那裡寫，從他們那邊訂檯可有高達七折，那，就問同事借個手提號碼來訂了。

法國人都不常早吃晚餐，我所指的早，是我訂了七點半，全店只有一檯客，我邊吃後來才有其他客出現。到著，他們招呼我到餐廳較入舒服點的位置，但問題是，他們無論侍應與老闆都不懂英文，餐牌沒有英文，我坐咁入，爛鬼Orange的4G/3G通通消失，我又點Google Translate選食物呢？結果自行要求坐番近門口，我先可以揀野食。

 

 3.5Euro既Lemonade俾呢枝野我條氣真係唔係好順，雖然係幾好飲。

無記錯我點呢個叫Tom Swayer，有牛扒芝士蕃茄洋蔥。首先熱騰騰上檯，切開內裡芝士已經半溶，好正！那塊自製的漢堡扒夠厚又有牛味，配上燒汁，整件事就係好味啦。呢份，8.9Euro。

甜品呢，我選呢個係最傳統既：砂糖開始溶就唧上檸檬汁，熱辣辣酸酸甜甜，好味！呢份甜品，4.3Euro。

我進食期間老闆問我是否訂檯的某某，於是，埋單時，果真有Discount！以上所有只需十二個幾歐羅，差不多成份甜品都折左唔駛俾！所以，以後去餐廳，上Tripadvisor望下睇下可唔可以訂檯有折啦！

以為我淨係食咁少牛？傻啦，去南部我一樣繼續牛，再介紹你地知啦！