台北2014：關渡文藝遊

第三天早上的行程是前一晚才決定，我除了有問朋友的建議之外，平時看旅遊雜誌呀電視節目呀看到什麼有趣的地方都會記下，於是，這個早上，出發未去過的關渡。

我知關渡有碼頭，但我不是到那邊，而是上山去。不過上山之前，我先去一處地方，是上次記下備用的：琉園水晶博物館。


當日低能地出錯捷運出口行左個圈，其實二號出口轉左就好快到。另一有趣之處就係，我今日寫，上網站，先發現原來要收入場費，再Click，原來星期日免入場費！但佢又無係參觀資訊寫架播，咁，我好好彩喇！

展館展出國內外水晶玻璃藝術品，可以好肯定同大家講，好靚，而且，視覺上令人感覺好涼快。

隨意展示幾張展品相片，都覺得好漂亮。

特展區擺放好幾個較細型而且有得賣既展品，個人認為，並不貴的。當然，想買，仲有其他選擇。

展館左右分別有玻璃冷熱工場，這裡有工作坊可以報名參與的。

琉璃藝廊，由吊飾到擺設都有得賣，如果唔係定力夠，隨時破財。

二樓主要是國際展區與及介紹玻璃工藝史：

另外有脫蠟鑄造技法介紹：

當時正有參觀者向工藝師請教。

展館外其實除左好多樹好靚之外，我非常喜歡此擺設：

係呀，本期Banner。

參觀過後返回捷運站，等公車上台北藝術大學的關渡美術館。首先請大家要查清楚公車時間表，因為當日等一陣就有車，但本來根據資料就並無咁快有車。不過，此大學校園實在美，絕對值得一去！

由於早左好多落車，我四圍行，此公園草地靚任小朋友跑之外，亦放置不少大型藝術裝置。

行到音樂廳旁走進去，發現別有洞天！有一半露天茶座，風景怡人，真係買杯咖啡坐坐都要！

食物唔算特別平，但有質素，特別係個Tiramisu。

食完嘆完拍埋ＭＶ，眼前右邊就係關渡美術館喇！

以為係入口，行到上去先知唔係，但原來係一個好得既展望台！

沿樓梯上到頂，就係美術館入口喇！

免入場費，門口仲有當期展覽海報可以免費索取。展館有好幾層，藝術這回事，你明就明，唔明都可以有所感受的。

這間美術館空間感足夠，而且展覽多元化，人不多，可以很靜靜的欣賞。

最後就在此池塘ＯＫ店外等公車返回捷運站。此大學很舒服，而且可以遠眺台北景色，有時間抽空過來，順道搭船去其他地方玩都好唔錯架！