名大於實的Plat du Jour

上星期重返鰂魚涌開會，順道跟舊同事約個午飯。他們選了一間在太古坊附近的法國餐廳，名叫Plat du Jour。那個位置在我仍於那區上班時是一間京川菜館，不過大家都明白，這個時勢，餐廳如走馬燈般短命，是常態。

後來在網上查看，才知這餐廳是太古酒店旗下的，難怪裝修那麼講究而且侍應極多，價錢也絕對高級，3 Courses要HK$225，而且有好幾道菜還要加錢。


這一頓飯，我跟舊同事說，別再來了，又貴，又得不到應有的質素。

餐具很講究，是的，的確很漂亮，但食物呢？

這個法包，不好吃，又冷又硬，是法國風味嗎？

這是我的頭盤焗田螺，水準以下，超多牛油，油膩到不行，調味不足。

同事的龍蝦湯，食慣好野的她說，麻麻。

另一同事的，應該是吞拿他他，望落好似幾靚咁囉。

主菜，嗯，原本我是想選油鴨腿的，但竟然沒有，於是選了這個，Pan fried fillet of sole。

魚overcooked了，不嫩滑，同樣是調味好似無咁，下面墊著的蔬菜是冷的，死未！

另一同事選的青口，我個人覺得青口要好食，細隻唔緊要，但一定要煮得剛剛好，否則好容易有渣。呢個明顯煮得不好，醬汁不特別，但你青口煮得不好已是失敗，唯一可讚是，薯條幾好食。

另一同事的法式燴牛肉，味道我沒試過，不過鏡頭前那個薯蓉，賣相已經唔得。

好，基本上以上的已教我們失望，不過因為我不識死，點了甜品，還是等到呆的。正當想開聲埋單，它就出現了。

呢個蘋果撻，係燶左既，帶苦味既！唯一就係個Vanilla ice-cream好食。

寫到呢度，你都明我點解話永無幫趁啦！早陣子到Amuse Bouche吃了一頓Business Lunch，貴一點，但好吃多了。