Sydney的西餐

雖然收視率並不高，但，我的確要寫寫我吃過的好東西，這是一份紀錄啊！無理由爛尾的，這不是我的性格。

話說這次，總有機會吃西餐的，西餐，亦有好多不同選擇。首先來這間，嗯，我想是傳統意大利菜吧！是弟婦帶著小王子跟我吃的一個悠閒午餐。

店子叫Cucina，有餐廳，也有賣意大利食材，也有酒吧。我們日光日白去，坐在店內，沒有開冷氣，很自在的。

連個水杯都靚過人，咁囉。

此乃十分邪惡的雞肝多士，好肥，但好肥美！一塗上熱辣辣的多士上，什麼膽固醇通通忘記，最後還叫多Set多士！

點了最簡單的卡邦尼，一吃，嘩！肯定麵條自家製充滿蛋香，煮得每條麵條都很分明但都沾滿醬汁！還有那個香茜碎是畫龍點晴，不會煮成一pat，好吃，未吃過咁好吃的卡邦尼！

這個血橙奶凍，是這樣的：其實以上兩道菜對於我倆都有點飽，但當然甜品不能錯過啦！首先，血橙用酒煮過但又沒有蓋過血橙的自然甜，好讚！當然那個奶凍，剛剛好，不會膩，又香又軟，真係食完諗起無得食都唔知點算好！

某晚，其實跟長輩吃過一頓中餐，我們三人聯同小王子一起，跟弟婦提起吃甜品，於是，跑去開得好夜既Max Brenner，朱古力專門店，來個肥死人甜品夜食！

這是弟婦的朱古力奶，是的，你可以慢慢加奶加朱古力粒去煮，有得飲有得玩！

我這杯，是Peanut Butter Milkshake，嘩，聽到都覺得肥係唔係，一飲入口，唔會好甜，但香滑感爆燈！好飲到你已經唔記得左肥呢回事！

呢個係唔抵得人叫細佬Order的，好甜，好香，但對我黎講，有過甜，不過佢既朱古力真係好掂！

係呀，仲有朱古力賣，我飲果隻杯都有得賣，果個煮朱奶套裝都有，你肯俾錢就得喇！

仲有想介紹：因為呢個天兔而多留一日的星期日，我們吃了個Brunch：

此乃小弟點的Mix Berries Smoothies，勁掂，完全係無數新鮮莓類Blend成，弟弟弟婦試過都話，呢個得！

這是我點的Full Breakfast，其實好簡單：材料新鮮，麵包又要Organic，又多料，基本上，無得輸！

以上乃弟弟弟婦所點，怒我實在唔記得係乜名，但前者係一個幾清既奄列配多士，後者呢個Pancake，好食架，因為真係唔會過甜，但，我地其實真係過飽，咁囉。

仲有冇食店介紹？有，我仲有報導的！