聖誕赤柱吃西餐

這幾天假期過得如何？我的都不錯，有跟家人朋友聚頭，又吃又喝又看電影，當然也有在家休息，面書的朋友們都知我已經成功煲完我可能不會愛你，是的，會寫，但要排一排。

聖誕下午無所事事跟朋友入了赤柱，遊人比預期少，天氣比預期暖，而且還吃了一頓比預期平很多的晚餐。

打頭陣是美利樓對出海邊有幾隻貓，睇見佢地都覺得寫意，所以放佢打頭陣。

海徬邊放了幾件裝置藝術品，最受歡迎一定是第一幅那個銀角山。

美利樓加此聖誕樹實在是絕配，所以，一眾遊人當然不停喪影。

好，入正題，晚餐。若果喪失理智銀紙大把，大可以俾美利樓幾間餐廳既聖誕大餐吸血：有一間千二蚊兩位，有一間六百（未加一）。海徬一排餐廳，反而無此類聖誕大餐價，有的是繼續Al a carte，有兩間竟然做HK$148一客晚餐。

其中一間，Main Street Stanley Bar，以前去過都係鋸扒，此HK$148晚餐明明寫住湯或沙律，但可能我跟友人出現未到七點，為左要客，竟然湯與沙律都有，咁著數當然選佢啦！

係咪好有情調呢！咁其實有乜野食呢？

注意重點：唔只包咖啡茶，係紅酒白酒啤酒都得，所以，我飲呢杯，已經非常值回票價：

Hoegaarden咁既Size至少五十蚊。咁，食物呢？

沙律有兩款，我會話我果個泰式牛肉沙律真係掂到飛起，牛肉係Grilled過切條，質素直頭似牛柳，Sauce又調得好，勁正！

洋蔥湯，好濃牛肉湯底與洋蔥香，好得，當然側邊果塊蒜蓉包都係要大讚！

重點係，發現後來入座既，真係湯或沙律，無得兩樣有齊播！

我的主菜，紐西蘭肉眼扒。叫五成係得到七成，不過都好Juicy，而且配菜都花心機。

朋友的Baby Ribs連酸菜薯條，係幾好味架播！

好，埋單，HK$330，真係無諗過聖誕係赤柱食質素唔錯既燭光西餐只要呢個價錢，你都咪話，識食，其實可以好抵食。