絕對超值的中秋Lunch Buffet

話說今年中秋我家來一個不一樣的聚餐，媽媽提議不如午餐來個自助餐，還約好了姑姐一家，大前題又是別要太貴，於是，我打了好幾個電話查詢家附近的酒店，結果找到Island Pacific Hotel的IP Cafe，午市自助餐：成人HK$138，小童長者HK$108。

知道這個價錢，其實不會對食物有什麼期望，雖然問他們有什麼食物時聽到的已經覺得『係唔係咁好呀？』怎知，得到的是各人都觀喜，更表示以後大時大節絕對不如咪煩，來這裡吃自助餐更划算。

首先，咖啡茶任飲，而且你睇，六款英國茶包，絕對不是行貨；另外，鮮橙汁與可樂亦是任飲，斟得好快，係，侍應斟俾你。

又真係估唔到，咁既價錢，有中湯西湯仲有雞粥！熱葷七、八款，雖不算名貴菜式，但不錯的。

有壽司刺身！此價錢你不能要求有什麼吧！我一直的意見是：此等價錢的自助餐，請勿浪費你的Quota在壽司刺身。

沙律算不錯，冷盤除了普通Cold cut都有Salami，而海鮮有蝦青口與蜆，合格有餘。

係，有燒羊脾，有師傅切俾你；仲有，即煮大蜆意大利麵，又係呢位師傅；仲有，即叫即製比利時夾餅，都係呢位師傅，所以呢位師傅比較無乜表情，佢仲要得閒炸天婦羅，整串燒煙肉腸仔，ＸＯ醬炒腸粉，辛苦晒，只不過話你地知，係，仲有咁多野食。

不過呢位師傅係抵讚既：話說家母與麻麻食齋，佢真係肯整個齋意大利麵俾佢地，無托手睜！

甜品，好唔錯，不斷上貨出新貨，仲有紅豆沙之外，仲有。。。

雪糕！係呀，牛奶公司，但有四隻味俾你揀播！

食物咁高興，點知當日呢，仲有人教小朋友整燈籠，兩位小公主當然開心到不得了啦！另外由於當日為節日，有信用咭折扣用唔到（仲有得折？好平喇播），我可以儲Asia Miles！

晚市約HK$27X一位，都係抵玩，但未試過，不過我相信，阿爸阿媽好快會試。