隨興台北行：吃的下半場

由於第二天下午原本打算去中正紀念堂看展覽，不過人太多放棄了，但這也是我第一次到中正紀念堂，不過又剛巧給我遇上在那裡舉辦的八八風災後農特產品展售活動，是高雄方面舉辦的。

這裡除了有些表演之外，最重要是有小食賣，還有些不是台北容易吃到的。對於這個去極都係台北的我，這是意外驚喜。

旗魚丸花枝丸，係香港完全食唔到既鮮味彈牙感覺，強強強的好食！

純山豬肉夾包，咸香，有趣的味道。其實同一攤子還有竹筒飯與及山豬肉香腸。

嘻嘻，愛玉冰，原來愛玉係咁既樣架播！

晚上到了微風台北車站醫肚，選了翰林茶館，有以下這個麻辣腸旺煲餐：

好，先講價錢，NT$380仲要加一，實在抵食又好食，麻香又不會喪辣，料又多，有腸有牛肉有年糕有高麗菜有豬紅有豆腐！其他有眼見啦，果杯紅茶當然係送既，實在係好滿意！

此店食物選擇多，就算呢類鍋物都好多選擇，同朋友黎食都係一個唔錯既選擇。

第三日，出動到捷運唔方便到既天水路金春發牛肉店。此店有好好好多分店，問過在地朋友，總店太遠，呢間係水準好唔錯既分店。

太多想食，點了以下：

牛肚拼牛筋，不是鹵水的，好好味，而且，好難得完全唔痴牙，愛到不得了，平時唔多喜歡牛肚就係因為怕痴牙。

咖喱牛肉炒麵，牛肉唔夠鬆化，不過味道好好，呢味係唯一覺得有落過味精的，但好食囉。

呢個牛雜清湯，一絕！係，係好細碗，但清甜到不得了，內裡乜都可以食，好好好！

埋單時囉咭片，只有呢間既資料，老闆娘話因為有太多親戚開好多其他分店，水準參差。源頭係點黎？睇呢段啦：

最後最後最後，臨走前快快手西門町選呢間：

呢個咖喱牛肉蛋包飯餐，仲有汽水任飲，台幣NT$159唔駛加一，好味架播仲要，仲想點？此店，名叫福氣來。

下次去台北再喪食！