生日食得好之Cafe on M

越來越覺得，久不久給自己吃一餐好的是很重要的，而我所說的『好』，並不要富麗堂煌的裝修，或者釀金的杯碟，我在乎食物的質素。所以，久不久，可以吃得豪一點。

生日當晚，多謝好友安排我到Intercontinental Grand Standford Hotel的Cafe on M吃自助餐。每位要HK$450，不過，是物有所值的。

這裡的自助餐食物選擇多，而且大部份都很不俗，未吃之前，看看桌面的陣勢：

首先，開始攻擊的是想也不用想的即開生蠔，寫著是蘇格蘭的，每人每次可拿四隻。嗯，我連海水都飲埋，食左一打。

至於刺身，有三文魚，鯛魚，吞拿魚，北寄貝，甜蝦與玉子與帶子，當中以大大隻切都唔切原粒帶子最正，我食左四五粒。

海鮮冷盤方面，龍蝦仔海螺之類必有，但最正不得不帶是長腳蟹腳，鮮甜度滿分！

無錯，Parma Ham好掂，我食左好多，呵呵！至於壽司，質素可以啦，並不特別好。當然仲有沙律與其他Cold Cuts。另一要特別推介：芝士煙肉批，芝士味濃到呢。。。

熱葷方面，有即煮粉麵與意大利粉，但由於食左會無位食其他野，我會建議大家專攻，日式燒烤串燒：

上方烤羊架好食，但不及那兩塊和牛！真係好食到唔識講你知！其他串燒有雞腎，雞肉，多春魚，冬菇。丫無錯，烤牛肉都好掂，不過和牛正ｄ囉。

咖喱都有不少選擇，朋友話唔錯；另外仲有蒸扇貝、酥皮三文魚卷等等。

湯呢，竟然有三款咁多，粟米雞蓉，日式湯一款與及好唔錯既海鮮酸辣湯。

不如講甜品囉！

我無囉晒呀，但好掂囉，特別係香檳Jelly。仲有：

疏乎厘！有原味與朱古力味，得得得！

前面雪糕有七，八款，廚師幫你，唔駛自己黎；後面即製Pancake，要讚既係無論士多啤利定係香蕉，前者用糖煮過，後者用玉桂煮過，廚師煎得剛剛好，所以，好好味好好味。

當然我對朱古力Fountain無乜興趣，仲有好多水果既。

所以，以上食物，呢個價錢，我覺得好值，更何況，朋友有一送一，仲有減一百Coupon。