三月特別多飯食：小肥羊

這一頓生日飯，首先講講主角：她是我在bbs年代認識的小妹妹，那時，跟她反檯反到七彩，因為她『當年』至愛著褲城，而我則踩得就踩。後來不知為什麼成了朋友，看著她結婚，工作上亦有給她意見，最近更看著她信主快要領洗，我更加開心。

由於我跟她都是白羊座，所以，我們都慣於在三月尾一起吃飯，永遠都是火鍋，前幾年差不多次次都是寧記，因為我們都很愛麻辣。這次選上小肥羊，是因為我之前跟baby吃過，實在喜出望外的任食，所以不作他選。

旺角的小肥羊有三層，兩次都在二樓開飯，裝修不錯而且乾乾淨淨。這裡的火鍋不用另點豉油，因為湯底已夠味，而這個任食套餐，另加十五元就可以有汽水啤酒夏枯草任飲。總之加埋其他雜項埋單每人約一百八十元（我跟她們兩公婆三人開飯的），好，沒圖沒真相，去片：

四川麻辣加香茜皮蛋，我們另外要求加辣，講真是越食越辣，而且湯底夠濃味，淥一淥就食得，唔駛煩。

以上係羊，小肥羊的羊當然質素有保證啦！

肥牛片，以任食火鍋來說，水準以上的。

呢幅相好多食物，都水準不錯，特別係一系列既手打丸，不過我想推介一樣必食既就係醉雞翼，淥熟之後，雞依然好嫩，仲有酒香添！

正如之前提及，以上既蝦丸墨丸羊肉丸都好好食，而且四四正正，值得食！

呢兩餅蝦滑同墨魚滑就實在，麻麻地囉。

呢個要特別介紹！任食清單當中有餐前小食，其中一定一定一定要叫既係夫妻肺片，信我，又辣又香口！

其餘食物一覽，可以見到都幾似樣，水準亦不俗！

最最最重要係：每次食完，每食兩舊水，佢會俾番五十蚊Coupon你，一個月內使用（不過只限旺角舖），用黎Keep住客，但變相有著數，係咪高興先？重有重有，唔知點解呢度極易搵到位，當然一大班人一定要訂位啦，但三四個果隻真係去親都有，旺角播！

愛打邊邊的你可以試試！