三月特別多飯食：嚐越

這頓飯是在看趙增熹前吃的，多謝這個親如哥哥的朋友，有閒情逸緻跟我看這音樂會之外，還請我吃這頓飯賀壽。早前已提過，在九龍灣開飯，表面上飯店選擇多，但實際卻是要吃的人更多，由於當晚九展有兩個音樂會，可想而知，開飯的人有幾多。

早一晚於開飯網了解行情，那個巨盒的情況比德福更差，結果本著不想吃類近東西的大前題，又要自己想吃的情況下，我決定吃越南菜。

嚐越，沒有深究，但相信都是類似連鎖式越式餐廳，期望應該不大。在期望不大的情況下，竟然有好幾樣東西都喜出望外：

柚子鳳爪，唔大碟，但十幾蚊，味道調得岩岩好，清新可口，鳳爪爽口，連同底下雜菜都好好食！

青木瓜雞絲沙律，繼續清新可口，蔬果爽脆，上面放少少蔥油，加起來真係好唔錯！

朋友的主菜：香茅豬扒撈檬，佢話個豬扒好睇，食就普通。

呢個濃湯野菜窩真係必食！湯濃而味道充滿牛油香，當中蔬菜種類極多，當然不能每樣都入味，吃得出菇類跟湯煮，其他是另外烚完再放進濃湯，但因此其他蔬菜很鮮嫩，好好食！

越式小食拼盤。三款都好高水準，粉卷貿春卷特別好食，一夠皮薄一夠香脆，總之，連鎖式有此質素，極之高興。

這是細碗的鮮黃牛脊湯河，要求牛肉另上要問一會才告知是特別安排，平時唔俾。牛肉鮮嫩量算多，附上的香葉等等都充足，不過個湯底唔出色，所以，水準以下。

不過不過，以上食物共花不用三百元，食到飽，水準夠高，上菜夠快，侍應服務尚可。其實此餐廳有些較貴的食物，個人意見，呢類餐廳，食果類咁貴既例如越南燒雞之類，就比較不智喇。