一一台北之露天風呂初體驗

是次去台北還有一目的：因為某天在收費台看到一個介紹台北溫泉的節目，其中有一間充滿日本感覺還有露天風呂的實在很想一試，而且只要在那裡吃夠四百台幣就可免費泡溫泉。既然到台北那幾天都是寒冷天，那個星期六晚還是十二度，就決定了。

乘捷運到石牌站再轉公車，一下車前面有很多溫泉店的招牌，然後往下走五分鐘，到達相關停車場，就有人以高爾夫球車接你到那裡。呀！這間叫川湯，不如看看場景：

一條友到達，他們依然安排我坐一張大檯（台北這方面很好，除了很地道小店之外，都不用你搭檯），另一邊有三四檯很熱鬧的，是一間公司的尾禡啊，還有獎抽，所以很高興。

早在網上做定功課的我本以為可以選以下一個單人餐就好：－

 

怎知，星期六是台灣的公休，所以無得食！於是對著那個a la carte餐牌點菜的我實在有點頭痕，最後選了以下的：

 

肉片炒飯，估唔到大碟仲要炒得好食，乾身唔肥膩，好滿意。

 

泰式烏賊沙拉，特別欣賞個汁，清清地又開胃，肯定無味精先啦！

 

呢個酸梅湯價錢唔平，但原來好鬼大支，我食成餐飯都係飲左半支，仲可以囉走，仲有播，老北京呢隻真係好飲，唔知香港有冇得賣呢？
以上食左五百七台幣，之後就去泡湯喇！因為食客係可以揀私人定公眾，私人就只係一間房仔，既然一場黎到，當然想感受十二度泡露天風呂啦！

一入到去有儲物櫃，要廿蚊台幣，行入去就有一排花灑與及木凳，好似睇日劇既溫泉館裝修一樣；另一邊有一個可以有大衝力花灑打落身上既小池，好正架！中間又有一個超凍水渣姑池，仲有一間Steam Room。

露天風呂池水溫四十幾度，唔算好大，不過我大大話話浸左成粒鐘，太熱坐上黎，凍又浸番落去，將之前兩日行得太多既疲累完全消除。之後仲去俾大力花灑打完，再好勇咁殺落凍水池浸一浸先走。

無錯，係全裸浸，大家都係咁，所以無乜問題。我所知都有人係只黎浸溫泉，二百蚊一位，都唔貴丫。

下次再試另一間，因為經過見到，都好靚呀！