朋友是珍貴的，能夠跟你共患難的更加難得。朋友往往比情人伴侶更了解你，而你亦可以更放心在朋友面前做自己。朋友不一定性格一樣，但總有類迎的Vibe可以有隨時連繫的Channel。最近看過的韓國電影《戀愛大都會》講述一對男女朋友的故事，動人，難得。
當一個同志遇上一個戀愛腦表面烈女實質隨時滿身傷痕的女生，兩人如何互相支持，互相令對方成長，這十年的種種，看畢你或許會檢討一下自己的朋友名單，有沒有類似的珍寶？
活了這麼久，雖然沒有真正認識朋友經歷我以下提及的情況，但朋友的朋友遇過又確實有。有些情侶，拍拖很多年，當個個以為佢地打風都打唔甩，等飲佢地果餐，突然宣佈分手，然後，其中一方會跟另一個新相識拍左一年拖左右嘅，宣佈結婚。
雖然大家都明白，拍拖拍得耐，不太表感情特別好，或者可能就是「唔結就分」，原因不外乎大家互相忍讓又或者覺得依家先斬纜太遲，簡單啲講，就係無外力令到其中一方果斷面對關係。話說前陣子有一晚我如常去被教練折磨，聽到另一位教練跟其學生提及他朋友那個結婚的故事。